ᐃᖃᓗᐃᑦ, ᓄᓇᕗᑦ – 2026- ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ᐅᐱᒋᔭᖃᖅᑐᑦ ᓴᖅᑮᓂᖏᓐᓂ ‘ᑎᒍᓚᕗᑦ’ ᐃᓕᓐᓂᐊᕈᑎᔅᓴᒻᒪᕆᐅᓗᒻᒥᑦ ᐋᖅᑮᓯᒪᔪᑦ ᐃᓄᓐᓄᑦ ᐃᓅᓱᑦᑐᓄᑦ ᐅᓪᓗᒥᐅᔪᖅ ᑕᑯᓐᓇᕐᓗᑎᑦ ᐱᓕᒻᒪᓴᕈᓐᓇᖅᑐᓂᒃ ᐃᖅᑲᓇᐃᔮᕆᔪᒪᔭᒥᓂᒃ ᐃᓅᓯᓕᒫᖅ ᑕᓚᕖᓴᓕᕆᓂᕐᒥᑦ, ᑕᕐᕆᔭᓕᕆᓂᕐᒥᑦ ᖃᕋᐅᓴᔭᒃᑯᓪᓗ ᐱᕙᓪᓕᐊᑎᑦᑎᓂᕐᒥᑦ. ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ᐱᓕᕆᖃᑎᖃᖅᓯᒪᔪᑦ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒧᑦ ᑎᒥᐅᔪᑦ (CanNor) ᑲᓇᑕᒥᓗ ᑲᑎᒪᔨᖏᓐᓂ ᓴᓇᓐᖑᐊᕐᓂᕐᒥᑦ ᐃᑲᔪᖅᑐᐃᓪᓗᑎᑦ ᐊᕐᕌᒍᒥ ᓯᕗᓪᓕᖅᐹᒥ ᑕᐃᒃᑯᓂᖓ ᐊᕐᕌᒍᓄᑦ ᐱᖓᓱᓄᑦ ᐃᓕᓐᓂᐊᕈᑎᔅᓴᓂᒃ. ᑲᑎᑦᑐᒋᑦ ᓯᕗᓪᓕᖅᐹᒥ ᐊᕐᕌᒍᒥ ᑮᓇᐅᔭᐅᓚᐅᖅᑐᑦ $410,000−ᓂᑦ.
ᐊᕐᕌᒍᖓᓐᓂ ‘ᑎᒍᓚᕗᑦ’ (ᑐᑭᓕᒃ “to get a hold of” ᐃᓄᑦᑎᑐᑦ) ᐊᕙᑎᓄᑦ ᐃᓄᓐᓄᑦ ᐃᓅᓱᑦᑐᓂᑦ ᐃᓕᓐᓂᐊᑎᑦᑎᖃᑦᑕᕐᓂᐊᖅᑐᑦ ᑕᓚᕖᓴᓕᕆᕐᒥᑦ ᐱᕙᓪᓕᐊᔪᓕᕆᓂᕐᒥᓪᓗ, ᑎᑎᕋᕆᐅᖅᓴᓂᕐᒥᑦ ᐊᑐᖅᑕᐅᒐᔭᖅᑐᓂᒃ ᐱᓐᖑᐊᖅᑐᓄᑦ ᐅᓂᒃᑳᖅᑐᐊᕐᓂᕐᒥᑦ ᑕᕐᕆᔭᓕᐅᕐᓗᑎᑦ, ᓇᑲᑎᕆᖃᑦᑕᓂᕐᒥᑦ, ᖃᕋᓴᐅᔭᒃᑯᓪᓗ ᐋᖅᑭᔅᓱᐃᑦᑎᐊᕈᓐᓇᓂᕐᒥᑦ.
“‘ᑎᒍᓚᕗᑦ’ ᓴᖅᑭᖅᑕᐅᓚᐅᖅᓯᒪᔪᖅ ᐆᑦᑐᑦᑕᓕᕈᓪᓖᖅᑕᐅᓪᓗᑎᑦ ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC), ᑲᔪᓯᑎᑦᑎᒍᓐᓇᓚᐅᓐᖏᑦᑐᑦ ᑭᓯᐊᓂ ᒪᓕᒐᖃᕐᓗᑎᑦ ᐃᓄᐃᑦ ᐅᓂᒃᑳᖅᑐᐊᖅᑎᓂᒃ, ᓇᑲᑎᕆᔨᓂᒃ, ᐅᐊᔭᓕᕆᔨᓂᒃ ᓴᓇᔨᓂᓪᓗ,” ᐅᖃᓚᐅᖅᑐᖅ ᑭᐅᕋᓐ ᐳᕋᓐᑕᔅ, ᐃᖅᑲᓇᐃᔭᖅᑎᓄᑦ ᓯᕗᓕᖅᑎ ᐃᓄᐃᑦ ᑕᑯᓐᓇᕋᔅᓴᓕᕆᔨᒃᑯᓐᓄᑦ (IBC).
“ᑕᒪᓐᓇ ᐱᑕᓕᒃ ᐃᓕᓐᓂᐊᑎᑦᑎᒍᓯ ᑭᖑᕚᕆᔭᐅᔪᓄᑦ ᐃᓄᓐᓄᑦ ᐱᕙᓪᓕᐊᔪᓕᕆᓂᕐᒦᒍᒪᔪᓂᒃ ᓯᕗᒧᐊᖅᑎᑦᑎᒍᓐᓇᖅᑐᓂᒃ ᐱᖅᑯᓯᕐᓂᑦ ᐱᐅᖅᓱᐊᓂᕐᒧᑦ, ᐅᖃᐅᓯᕐᓂᑦ ᒪᑭᒪᑎᑦᑎᓂᕐᒥᑦ, ᐅᓂᒃᑳᖅᑐᐊᕐᓂᒥᓪᓗ. ᐱᓕᕆᔨᒻᒪᕆᑐᐃᓐᓇᐅᖏᓪᓗᑎᑦ ᐱᓕᒻᒪᓪᓗᑎᑦ. ᐃᖅᑲᓇᐃᔭᕐᕕᓐᓂᑦ ᐅᓂᒃᑳᖅᑐᐊᑎᑦᑎᒍᓐᓇᕐᓗᑎᑦ ᐃᓄᓐᓂᑦ ᓱᓕᑦᑎᐊᖅᑐᓂᒃ, ᐅᑉᐱᕆᔭᐅᑦᑎᐊᖅᑐᓂᒃ, ᐃᓄᑦᑎᑑᖅᑐᓂᒃ. ᑕᐃᒪᐃᓘᕐᓗᓂ, ‘ᑎᒍᓚᕗᑦ’ ᓄᖅᑲᑎᑦᑎᓇᓱᐊᖅᑐᖅ ᐱᖅᑯᓯᕐᓂᑦ ᔭᒐᐃᑎᑦᑎᒐᓱᐊᕐᓂᕐᒥᑦ. ᐃᓄᐃᑦ ᐊᔾᔨᓕᐅᕈᓯᔭᓕᕋᐃᒻᒪᑕ, ᑎᑎᕋᖅᑐᑎᓪᓗ ᐅᖃᐅᓯᐅᓂᐊᖅᑐᓂᒃ, ᓇᑲᑎᕆᓪᓗᑎᓪᓗ ᐊᔾᔨᓕᐅᒐᕐᓂᑦ, ᐊᐅᓚᑦᑎᔨᐅᓪᓗᑎᑦ ᖃᓄᐃᓘᕆᐊᖃᕐᓂᖏᓐᓂ ᐊᔾᔨᓕᐅᖅᑕᐃᑦ, ᐱᕙᓪᓕᐊᔪᓂᒃ ᐃᓄᓐᓂᑦ ᓯᓚᕐᔪᐊᒥ ᑕᑯᓐᓇᖅᑕᐅᓂᐊᖅᑐᓂᒃ, ᓄᓇᓂᓪᓗ ᖃᐅᔨᒪᓂᖏᓐᓂ, ᓄᓇᓕᓐᓂᓪᓗ ᐃᓕᖅᑯᓯᕆᕙᑦᑕᖏᓐᓂ ᓯᓚᑖᓃᓐᖔᖅᓯᒪᔪᑦ ᐱᓕᕆᔩᑦ ᐊᔾᔨᖏᓂ ᐊᓯᐊᓂ ᓴᓇᒍᓐᓇᖏᒻᒪᑕ ᐊᔾᔨᐅᖏᑦᑑᒻᒪᑕ.”
“ᐊᒥᓱᕈᖅᐸᓪᓕᐊᑐᐃᓐᓇᕐᖓᑕ ᑕᕐᕆᔭᓕᐅᖅᑕᐅᔪᑦ ᑏᕖᒃᑯᓪᓗ ᑕᑯᔅᓴᐅᑎᑕᐅᔪᑦ ᓄᓇᕗᒻᒥ ᐊᖏᓪᓕᑲᓐᓂᕆᐊᖃᕐᖓᑕ ᐱᕙᓪᓕᐊᓂᒃᑯᑦ ᐃᓕᓐᓂᐊᑎᑦᑎᓗᑎᒃ ᓴᓇᒍᓇᕐᓗᑎᑦ. ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ‘ᑎᒍᓚᕗᑦ’ ᑕᑯᔅᓴᐅᑎᑕᐅᔪᖅ ᐃᓄᓐᓂᑦ ᐱᑕᖃᕆᐊᓕᓪᓚᕆᓐᓂᑦ ᓴᖅᑮᒻᒪᑕ ᐊᖏᓪᓕᕙᓪᓕᐊᖁᓪᓗᒋᑦ ᑕᒪᓐᓇ,” ᐅᖃᖅᑐᓂ ᒥᓂᔅᑕ ᕇᐱᑲ ᓴᑦᑐᐊᓐ, ᒥᓂᔅᑕᕆᔭᐅᔪᖅ ᒐᕙᓕᕆᔨᒃᑯᓐᓄᑦ ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒧᑦ ᑎᒥᐅᔪᓄᑦ (CanNor).
‘ᑎᒍᓚᕗᑦ’ ᐋᖅᑭᓱᖅᑕᐅᓯᒪᔪᖅ ᐸᕐᓇᖁᔨᓪᓗᑎᑦ ᐃᖅᑲᓇᐃᔭᖅᑎᔅᓴᓂᒃ ᑕᓚᕖᓴᓕᕆᓂᕐᒥᑦ ᐱᕙᓪᓕᐊᔪᓕᕆᓂᕐᒥᓪᓗ, ᐃᑲᔪᖅᑐᕐᓗᒋᓪᓗ ᐱᐅᖅᓱᐊᕐᓂᖏᓐᓂ ᓴᖅᑭᔮᖅᑎᑦᑎᓂᖏᓐᓂᓪᓗ ᐃᓄᐃᑦ ᐱᖅᑯᓯᖏᓐᓂ ᐅᖃᐅᓯᖏᓐᓂ ᐅᓂᒃᑳᖅᑐᐊᖅᑎᒍᑦ.
ᐃᓕᓐᓂᐊᕈᑎᔅᓴᖅ ᓴᓇᕙᓪᓕᐊᔪᑦ ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ᐊᑯᓂᒧᑦ ᐱᕙᓪᓕᐊᑎᑦᑎᓗᑎᒃ ᐃᓄᓐᓂᑦ ᑕᕐᕆᔭᐅᓕᕈᓐᓇᖅᑐᓂᒃ ᓴᓇᒍᓐᓇᖅᑐᓂᒃ ᐃᓕᓐᓂᖅᑎᑕᐅᓗᑎᑦ ᑭᖑᕚᕆᔭᐅᔪᑦ ᐅᓂᒃᑳᖅᑐᐊᕐᓂᕐᒥᑦ, ᑕᐃᑯᓄᖓ, ᑖᒃᑯᓄᖓᓗ ᐃᓄᓐᓄᑦ, ᓯᓚᕐᔪᐊᒥ ᑐᓴᖅᑕᐅᖃᑦᑕᕐᓗᑎᑦ.
ᐱᔭᕇᖅᑐᑦ ᐃᓕᓐᓂᐊᖅᑕᒥᓂᒃ ᐊᓂᒐᔭᖅᑐᑦ ᐱᓕᕆᔨᒻᒪᕆᐅᓕᕐᓗᑎᑦ ᐱᓕᒻᒪᔅᓯᒪᓗᑎᒃ ᓱᓇᒃᑯᑖᖃᓕᕐᓗᑎᑦ, ᐱᓕᕆᐊᒥᓂᒃ ᐱᔭᕇᕐᓗᑎᒃ, ᑭᓇᐅᓂᖏᓐᓂᓪᓗ ᓴᖅᑮᑲᓐᓂᕐᓗᑎᑦ ᐃᖅᑲᓇᐃᔮᕆᔪᒪᔭᒥᓂᒃ ᐃᓅᓯᓕᒫᕐᒥᓂᒃ ᑕᓚᕖᓴᓕᕆᓂᕐᒥᑦ, ᑕᕐᕆᔭᐅᓕᕐᓂᕐᒥᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐱᕙᓪᓕᐊᔪᓕᕆᓂᕐᒥᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑐᔅᓯᕋᕈᒪᒍᕕᑦ, ᖃᐅᔨᒋᐊᕐᓗᑎᑦ www.inuitbroadcasting.ca/storyteller ᐃᕐᖐᕐᓈᖅᑕᐅᑎᒃᑯᓪᓘᓐᓃᑦ ᑎᑎᕋᕐᓗᑎᑦ tigulavut@inuitbroadcasting.ca.
ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒋᐊᕐᓗᑎᑦ:
ᑲᐃᑦ ᓴᐸᐅᓪ
ᐊᖏᔪᖅᑳᖅ ᐃᓕᓐᓂᐊᑎᑦᑎᓂᕐᒧᑦ ᑐᓴᐅᒪᖃᑦᑕᐅᑎᓕᕆᓂᕐᒧᓪᓗ
ᐃᓄᐃᑦ ᑕᑯᓐᓇᕋᔅᓴᓕᕆᔨᒃᑯᑦ
ᐅᖄᓚᐅᑎᖓ: 613-913-1775
ᐃᕐᖐᕐᓈᖅᑕᐅᑎᒃᑯᑦ ᑐᕌᕈᑎᖓ: kate@inuitbroadcasting.ca
ᐱᕙᓪᓕᐊᔪᓕᕆᓂᕐᒨᖓᔪᑦ
ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒧᑦ ᑎᒥᐅᔪᑦ (CanNor)
infonorth-infonord@cannor.gc.ca
ᐃᓄᐃᑦ ᑕᑯᔅᓴᕋᔅᓴᓕᕆᔨᐅᑉ ᒥᔅᓵᓄᑦ
ᐱᒋᐊᓚᐅᖅᓯᒪᔪᖅ 1981−ᒥ, ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ᑮᓇᐅᔭᓕᐅᖅᑎᐅᓐᖏᑦᑐᑦ, ᐃᓄᓐᓄᑦ ᓇᒻᒥᓂᕆᔭᖅ ᐱᕙᓪᓕᐊᔪᓕᕆᔨᐅᓪᓗᑎᒃ ᓴᓇᓲᑦ ᓴᖅᑮᓪᓗᑎᓪᓗ ᐃᓄᑦᑎᑑᖅᑐᓄᑦ ᓄᓇᕗᒻᒥ ᐅᖓᑖᓄᓪᓗ. ᐃᓄᐃᑦ ᑕᑯᓐᓇᕋᔅᓴᓕᕆᔩᑦ (IBC) ᓴᖅᑭᔮᖅᑎᑦᑎᓲᑦ ᐃᓄᑦᑎᑑᖅᑐᓂᒃ, ᐱᖅᑯᓯᖏᓐᓂ ᐊᑐᖅᑐᑎᒃ ᐃᓱᒪᒋᔭᖏᓐᓂᓪᓗ ᒫᓐᓇ ᐱᕙᓪᓕᐊᔪᓂᒃ, ᖁᕕᐊᓲᑎᔅᓴᓂᒃ ᑕᑯᓐᓇᖅᑕᐅᔪᓂᒃ, ᓱᕈᓯᕐᓅᖓᔪᓂᒃ, ᐅᓂᒃᑳᓂᓪᓗ. ᑲᑐᔾᔨᖃᑎᒌᑦ ᐃᓕᓐᓂᐊᑎᑦᑎᖃᑦᑕᖅᓯᒪᔪᑦ ᐃᑲᔪᖅᑐᐃᓪᓗᑎᓪᓗ ᐊᒥᓱᓂᒃ ᐅᑭᐅᖅᑕᖅᑐᒥ ᑕᕐᕆᔭᓕᐅᖅᑐᓂᒃ ᓴᓇᔪᓂᓪᓗ, ᐱᕙᓪᓕᐊᓂᒃᑯᑦ ᓄᓇᒥ ᒪᓕᑦᑐᓂᒃ ᐱᐅᖅᓱᐊᖅᑐᑎᓪᓗ ᐃᓄᐃᑦ ᑭᒃᑰᓂᖏᓐᓂ, ᐅᖃᐅᓯᖏᓐᓂ, ᐅᓂᒃᑳᖅᑐᐊᓂᒃᑯᓪᓗ.
ᐱᓕᕆᖃᑎᕗᑦ:
ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒧᑦ ᑎᒥᐅᔪᑦ (CanNor)
ᑲᓇᑕᒥ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒧᑦ ᑎᒥᐅᔪᑦ (CanNor) ᐱᓕᕆᖃᑎᖃᖅᐸᑦᑐᑦ ᐅᑭᐅᖅᑕᖅᑐᒥᐅᓂᒃ ᓄᓇᖃᖅᑳᖅᓯᒪᔪᓂᓪᓗ, ᓄᓇᓕᓐᓂᑦ, ᓇᒻᒥᓂᖃᖅᑎᓂᒃ, ᑲᑐᔾᔨᖃᑎᒌᓐᓂᒃ, ᐊᓯᖏᓐᓂᓪᓗ ᒐᕙᒪᑐᖃᒃᑯᓐᓂ ᐊᒻᒪᓗ ᐊᓯᖏᓐᓂ ᒐᕙᒪᒃᑯᓐᓂ ᐊᔾᔨᐅᖏᑦᑐᓂᑦ ᐊᔾᔨᐅᖏᑦᑐᓂᒃ ᐊᖏᔪᐊᓗᓐᓂᓪᓗ ᒪᑭᒪᔾᔪᑎᔅᓴᐅᒍᓐᓇᖅᑐᓂᒃ ᐊᑯᓂᒧᑦ ᐃᖏᕐᕋᓗᑎᑦ ᐊᒻᒪᓗ ᐱᕙᓪᓕᐊᓂᒃᑯᑦ ᐅᑭᐅᖅᑕᖅᑐᓂᑦ − ᓄᓇᕗᒻᒥ, ᓄᓇᑦᑎᐊᕐᒥ, ᔫᑳᒥᓪᓗ.
ᑲᓇᑕᒥ ᑲᑎᒪᔩᑦ ᓴᓇᓐᖑᐊᖅᑐᓕᕆᓂᕐᒧᑦ
ᑖᒃᑯᐊ ᑲᓇᑕᒥ ᑲᑎᒪᔩᑦ ᓴᓇᓐᖑᐊᖅᑐᓕᕆᓂᕐᒥᑦ ᑐᕌᒐᖏᑦ ᑎᒍᓯᓗᑎᑦ ᓴᖅᑭᔮᖅᑎᑦᑎᓗᑎᓪᓗ ᖃᐅᔨᓴᕐᓂᕐᒥᑦ ᖁᕕᐊᓲᑎᔅᓴᐅᔪᓂᒃ, ᓴᓇᓗᑎ ᐱᓕᕆᐊᓂᑦ, ᓴᓇᓐᖑᐊᖅᑐᓕᕆᓂᕐᒥᑦ. ᑐᓂᕐᕈᓯᐊᖅᑎᒍᑦ, ᐱᔨᑦᑎᓂᒃᑯᑦ, ᓵᓚᖃᐅᓯᐊᕐᓂᑦ, ᐱᒋᐊᕈᑎᓂᒃ, ᐊᑭᓕᐅᑎᓂᓪᓗ, ᑲᓇᑕᒥ ᑲᑎᒪᔩᑦ ᐃᑲᔪᖅᑐᐃᔪᑦ ᐊᖏᔪᐊᓗᓐᓂ ᐊᔾᔨᐅᖏᑦᑐᓂᑦ ᓴᓇᓐᖑᐊᖅᑐᓕᕆᓂᕐᒥᑦ ᐅᖃᓕᒫᕐᓂᒥᓪᓗ ᑕᑯᔅᓴᐅᑎᓐᓂᐊᖅᑕᖏᓐᓂ. ᑕᒪᒃᑯᐊ ᐱᓕᕆᐊᑦ ᑐᑭᖃᑦᑎᐊᖅᑐᑦ ᒪᑭᒪᔾᔪᑎᔅᓴᐃᑦ, ᐱᖅᑯᓯᑦᑎᒍᑦ ᐃᓄᓐᓄᓪᓗ ᐊᑦᑐᐃᓂᖃᖅᓯᒪᓪᓗᑎᑦ 2000 ᐅᖓᑖᓄᑦ, ᓄᓇᓕᓐᓂᑦ ᐃᓚᖏᓐᓂ ᑲᓇᑕᒥ ᐅᖓᑖᓄᐊᓗᓐᓄᓪᓗ. ᐱᕙᓪᓕᐊᓂᖏᑦ ᓯᕗᒃᑲᑕᕐᓂᖏᓪᓗ ᑲᑎᒪᔩᑦ ᐃᑲᔪᖅᑐᑦ ᑭᒃᑯᑐᐃᓐᓇᕐᓂᑦ ᐱᓕᕆᖃᑎᖃᕐᓗᑎᑦ ᓴᓇᓐᖑᐊᖅᑐᓕᕆᓂᕐᒥᑦ ᐃᓱᐊᓂ ᐃᓱᐊᓄᑦ ᑲᓇᑕᒥ ᑕᐃᒪᐃᑦᑐᓂᒃ ᐃᑲᔪᖅᑐᓂᒃ ᓯᓚᕐᔪᐊᒥᓗ ᐃᓕᓴᕆᔭᐅᕙᑦᑐᑎᑦ ᓴᓇᓐᖑᐊᖅᑐᓕᕆᓂᕐᒨᖓᔪᑦ ᑲᑐᔾᔨᖃᑎᒌᓪᓗ ᑲᓇᑕᒥ.
