ᐃᓄᐃᑦ ᑕᑯᓐᓇᓕᑦᓯᓕᕆᔩᑦ ᑯᐊᐳᕇᓴᖓᑦ
ᑐᒃᓯᕋᐅᑎ ᐱᔪᒪᓇᓲᑎᓄᑦ (RFP)
ᐱᓯᓇᓯᒧᑦ ᐸᕐᓇᐅᑎᒧᑦ ᖃᐅᔨᒪᔨᑕᕐᒧᑦ ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᑯᐊᐳᕇᓴᖓᓄᑦ (IBC)
“ᑎᒍᓚᕗᑦ – ᑎᒍᓗᒍ” ᐊᔪᕈᓐᓃᖅᓴᓂᕐᓄᑦ ᐱᓕᕆᓂᖅ
ᓴᖅᑭᑕᐅᓂᐊᑕ ᐅᓪᓗᖓ: ᐋᒡᒌᓯ 19, 2025
ᐱᔪᒪᓇᓲᑎᓄᑦ ᐃᓱᓕᕝᕕᐊ: ᓯᑎᐱᕆ 12, 2025
- ᐃᓗᐃᑦᑐᒃᑯᑦ ᐋᖅᑭᒃᓯᒪᓂᖏᑦ
ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᑲᐊᐳᕇᓴᖓᑦ (IBC) ᐱᔪᒪᔪᑦ ᐱᔪᒪᓇᓲᑎᓂᒃ ᐊᔪᖏᑦᑐᓂᑦ, ᐊᑭᓂᒃ ᐊᑐᑦᑎᐊᖅᑐᓂᑦ ᖃᐅᔨᒪᔨᑕᕐᓂᑦ ᓴᓇᓗᑎᒃ ᐋᖅᑭᑦᑎᐊᖅᓯᒪᔪᓂᒃ ᐱᓯᓇᓯᒧᑦ ᐸᕐᓇᐅᑎᒥᒃ. ᐱᓯᓇᓯᒧᑦ ᐸᕐᓇᐅᑎ ᐃᓚᓕᐅᔾᔨᓗᓂ ᑎᒥᓕᒫᓂᒃ ᐊᒃᑐᐊᔪᓄᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᖏᓐᓄᑦ, ᐱᖃᓯᐅᓪᓗᒋᑦ ᑯᐊᐳᕇᓴᖓ, ᐃᓅᖃᑎᒌᓕᕆᓂᕐᓄᑦ ᑮᓇᐅᔭᓕᐅᕋᓱᐊᕐᓂᖅ ᐱᓯᓇᓯᓗ.
ᐱᖃᓯᐅᔾᔨᓂᐊᕐᒥᔪᖅ ᐸᕐᓇᐅᑎᒥᒃ ᐊᐅᓚᑦᑎᓃᓐᓇᕐᓂᕐᓄᑦ ᑲᔪᓰᓐᓇᖅᑐᓂᒃ ᐊᔪᕈᓐᓃᖅᓴᕐᓂᕐᓂᒃ ᐊᑐᕐᓗᒍ “ᑎᒍᓚᕗᑦ – ᑎᒍᓗᒍ” ᐱᒋᐊᕈᑎ, ᐃᓕᖅᑯᓯᑐᖃᓄᑦ ᑐᙵᔪᖅ ᐱᕙᓪᓕᐊᔪᓕᕆᓂᕐᓄᑦ ᐊᔪᕈᓐᓃᖅᓴᓂᕐᓄᑦ ᐱᓕᕆᓂᖅ ᐱᒋᐊᕐᕕᒃᓴᖃᖅᖢᓂ 2026ᒥ. ᓂᕈᐊᖅᑕᐅᔪᖅ ᖃᐅᔨᒪᔨᑕᖅ ᑎᓕᐅᕆᔨᐅᓂᐊᕐᒥᔪᖅ ᓴᓇᔭᐅᓂᖏᓐᓄᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᑦ ᓄᑖᓂᒃ ᐸᕐᓇᑦᑎᐊᖅᓯᒪᔪᓄᑦ ᐸᕐᓇᐅᑎᐊᓂᒃ ᐃᖅᑲᓇᐃᔭᖅᑎᑖᕋᓱᓕᕆᓂᕐᓄᓪᓗ ᐊᔪᕈᓐᓃᖅᓴᓂᕐᓄᑦ ᐃᓚᐅᔪᓄᑦ.
- ᕿᒪᒃᑕᑦᑎᓐᓂᑦ ᖃᓄᐃᓕᖓᓂᖏᑦ
ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ, ᐊᑎᓕᐅᖅᓯᒪᔪᑦ ᐊᔪᕐᓂᖅᓴᓄᑦ ᐃᑲᔪᓲᑎᑐᑦ ᑎᒥᑐᑦ ᐃᑲᔪᖅᑕᐅᓪᓗᑎᒃ ᑕᒪᒃᑮᖕᓄᑦ ᒐᕙᒪᓂᑦ ᐱᓯᓇᓯᓕᖕᓂᓪᓗ ᑮᓇᐅᔭᓄᑦ. ᐃᓄᐃᑦ ᑕᑯᓐᓇᒐᑦᓴᓕᕆᔩᑦ ᐃᓚᐅᖃᑕᐅᖕᒥᔪᑦ ᒪᕐᕉᖕᓄᑦ ᑮᓇᐅᔭᓕᐅᕋᓱᐊᖅᑎᓄᑦ ᑯᐊᐳᕇᓴᓄᑦ, ᑕᒪᒃᑮᒃ ᑐᙵᓪᓗᑎᒃ ᓄᓇᕘᒥ. ᐱᓯᓇᓯᓄᑦ ᐱᕕᒃᓴᖃᖅᑐᑦ ᐃᓗᐊᓂ ᑕᒪᒃᑮᒃ ᑖᒃᑯᓇᓂ ᐃᓄᐃᑦ ᑕᑯᓐᓇᒐᑦᓴᓕᕆᔩᑦ ᐱᓕᕆᔾᔪᑎᖏᓐᓂ, ᐱᓯᓇᓯᒧᓪᓗ ᐸᕐᓇᐅᑎ ᐊᑐᐃᓐᓇᐅᑎᑕᔪᑦ ᐱᖃᓯᐅᔾᔨᔭᕆᐊᓖᑦ ᑖᒃᑯᓂᖓᑦᑕᐅᖅ ᐱᖃᓯᐅᓪᓗᒋᑦ ᐃᓗᐃᑦᑐᒃᑯᑦ ᐊᐅᓚᓂᖏᑦ ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᑎᑭᓐᓇᓱᒃᑕᖓᓄᓪᓗ ᐊᐅᓚᐃᓐᓇᕈᓐᓇᕐᓂᕐᓄᑦ. ᓱᓕᓗ, ᐱᓯᓇᓯᒧᑦ ᐸᕐᓇᐅᑎ ᐱᖃᓯᐅᔾᔨᓂᐊᖅᑐᖅ ᓴᓇᔭᐅᓂᖓᓂᒃ “ᑎᒍᓚᕗᑦ − ᑎᒍᓯᓗᓂ”, ᑭᖑᓕᕇᖓᓪᓗᓂ ᐱᒋᐊᕈᑎ ᓴᓇᓯᒪᓪᓗᓂ ᐱᕕᖃᕈᑕᐅᓂᐊᕋᒥ ᐃᓄᐃᑦ ᒪᒃᑯᒃᑐᓄᑦ ᑭᓱᓕᐅᕐᓂᕐᓄᑦ-ᐊᒃᑐᐊᔪᓄᑦ ᐊᔪᕈᓐᓃᖅᓴᓂᕐᓄᑦ ᑕᓚᕖᓴᓄᑦ ᑐᓴᒐᒃᓴᓕᐅᕐᓂᕐᓄᓪᓗ ᐊᔾᔨᒌᖏᑦᑐᑎᒍᑦ. ᐱᓕᕆᓂᖅ ᓴᓇᔭᐅᓗᓂ ᑲᑐᔾᔭᐅᓗᓂ ᐱᓕᕆᓕᒪᔪᓂᑦ ᓯᓚᑦᑐᖅᓴᕐᕕᒡᔪᐊᓂᓪᓗ ᑎᒥᓂᑦ ᓲᕐᓗᑐᑦ ᐊᓪᒐᓐᑯᐃᓐ ᓯᓚᑐᖅᓴᕐᕕᒃ ᑲᕈᓪᑕᓐ ᓯᓚᑦᑐᖅᓴᕐᕕᒡᔪᐊᕐᓗ. ᐱᓕᕆᓂᖅ ᐸᕐᓇᐃᕙᒡᓗᓂ 20ᓂᒃ ᐃᓚᐅᔪᓂᒃ ᐊᕐᕌᒍᑕᒫᑦ ᐃᖅᑲᓇᐃᔭᖅᑐᓄᑦ ᐃᓕᖅᑯᓯᑐᖃᓄᑦ ᑐᕌᖅᑐᓄᑦ, ᐊᑑᑎᓕᖕᓂᒃ ᐊᔪᖏᓐᓂᕐᓂᒃ ᑕᓚᕖᓴᓄᑦ ᑐᓴᒐᒃᓴᓕᐅᕐᓂᕐᓄᓪᓗ ᐊᔾᔨᒌᖏᑦᑐᑎᒍᑦ. ᐱᓕᕆᓂᖅ ᐊᐅᓚᔾᔭᒃᑕᐅᓗᓂ 2026ᒥ ᐱᔭᕇᕈᑎᒃ ᑕᓪᓕᒪᓂᒃ ᑭᖑᓕᕇᓂᒃ ᐱᓕᕆᔭᕆᐊᓕᖕᓂᒃ, ᐱᖃᓯᐅᓪᓗᒋᑦ ᐸᕐᓇᑦᑎᐊᖅᓯᒪᔪᓂᒃ ᐸᕐᓇᖕᓃᑦ, ᐱᓯᓇᓯᓄᑦ ᐸᕐᓇᐅᑎᓕᐅᕐᓃᑦ, ᐃᖅᑲᓇᐃᔭᖅᑎᑖᕋᓱᖕᓃᑦ ᐱᓕᕆᔾᔪᓯᖏᑕ ᐋᖅᑭᒃᓯᒪᓂᖏᑦ, ᐃᓕᓐᓂᐊᖅᑕᐅᓂᐊᖅᑐᓪᓗ ᓴᓇᔭᐅᓂᖏᑦ.
- ᐱᓕᕆᔭᐅᔪᑦ ᐱᕕᒃᓴᖃᕐᓂᖏᑦ
ᓂᕈᐊᖅᑕᐅᔪᖅ ᖃᐅᔨᒪᔨᑕᖅ ᐱᓕᕆᐊᒃᓴᖃᕐᓂᐊᖅᑐᖅ ᐅᑯᓂᖓ:
- ᑐᓂᔭᒃᓴᓪᓚᑐᐊᖅ: ᐱᓯᓇᓯᒧᑦ ᐸᕐᓇᐅᑎᓕᐅᕐᓂᖅ
- ᓴᓇᓗᓂ ᑭᓱᕈᓘᔭᓕᕆᔪᓂᒃ ᐱᓯᓇᓯᒧᑦ ᐸᕐᓇᐅᑎᒥᒃ ᐃᓄᐃᑦ ᑕᑯᓐᓇᕋᒃᓴᓕᕆᔩᒃᑯᓐᓄᑦ, ᒪᕐᕉᖕᓄᑦ ᑯᐊᐳᕇᓴᖏᖕᓄᑦ, ᑎᒍᓚᕗᑦ ᐱᓕᕆᓂᕐᒧᓪᓗ, ᐱᖃᓯᐅᓪᓗᒋᑦ ᐅᑯᐊ:
- ᑮᓇᐅᔭᑎᒍᑦ ᐋᖅᑭᒃᓯᒪᙳᐊᕐᓂᖏᑦ ᐊᑭᓄᓪᓗ ᐊᑐᕐᓂᐊᖅᑐᓄᑦ ᓇᓚᐅᑦᑖᕐᓃᑦ
- ᐸᕐᓇᐅᑎ ᐃᖅᑲᓇᐃᔭᖅᑎᑖᕐᓂᕐᓄᑦ ᐋᖅᑭᙳᐊᖅᓯᒪᔪᑦ
- ᐊᐅᓚᐃᓐᓇᕈᓐᓇᕐᓂᕐᓄᑦ ᑮᓇᐅᔭᖃᕐᓂᕐᓄᓪᓗ ᖃᓄᑦᑑᑦᑎᐊᖅᓯᒪᔪᑦ
- ᐱᖁᑎᕐᔪᐊᓄᑦ ᐊᑐᒐᒃᓴᓄᓪᓗ ᐊᑐᕆᐊᓖᑦ
- ᑲᑉᐱᐊᓇᖅᑐᓂᒃ ᖃᐅᔨᓇᓱᖕᓂᖅ ᐊᒃᑐᐃᓗᐊᔾᔭᐃᒃᑯᑎᓕᐅᕐᓂᕐᓄᓪᓗ ᐸᕐᓇᐅᑎ
- ᐱᓕᕆᖃᑎᒋᓗᒋᑦ ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᐃᖅᑲᓇᐃᔭᖅᑎᖏᑦ ᒪᓕᑦᑎᐊᖁᓪᓗᒋᑦ ᐊᖏᓂᖅᓴᓄᑦ ᑎᒥᐅᑉ ᑎᑭᓐᓇᓱᒃᑕᖏᓐᓄᑦ
- ᑐᓂᓯᓗᓂ ᓯᕗᓪᓕᖅᐹᖅᓯᐅᑎᒥᒃ ᐱᓯᓇᓯᒧᑦ ᐸᕐᓇᐅᑎᒥᒃ ᑎᑭᓪᓗᒍ ᑎᓯᐱᕆ 1, 2025, ᑭᖑᓪᓕᖅᐹᒧᓪᓗ ᐊᑐᕐᓂᐊᖅᑐᒥᒃ ᑎᑭᓪᓗᒍ ᑎᓯᐱᕆ 31, 2025
- ᑎᓕᐅᕆᔨᒧᑦ ᐃᓂ: ᐸᕐᓇᑦᑎᐊᖅᓯᒪᔪᑦ ᐸᕐᓇᐅᑎ
- ᖃᐅᔨᒪᑦᑎᐊᖅᑐᒥᑦ ᑎᓕᐅᖅᑕᐅᓗᓂ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᑦ ᐸᕐᓇᑦᑎᐊᖅᓯᒪᔪᓄᑦ ᐸᕐᓇᒍᓯᖏᓐᓄᑦ (ᓯᑎᐱᕆ 1, 2025 – ᔮᓐᓄᐊᕆ 31, 2026), ᐊᐅᓚᑕᐅᓗᓂ ᑎᒥᐅᑉ ᐃᓗᐊᓂᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᓐᓂᑦ
- ᐊᑐᒐᒃᓴᓕᐅᕐᓗᓂ ᐸᕐᓇᑦᑎᐊᖅᓯᒪᔪᓄᑦ ᐸᕐᓇᐅᑎᓕᐅᕐᓂᕐᓄᑦ ᑐᓴᕋᓱᒌᕈᑎᒃ ᐊᑑᑎᖃᑦᑎᐊᖅᑐᓂᑦ ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᐃᖅᑲᓇᐃᔭᖅᑎᖏᓐᓂᑦ
- ᑕᑯᓇᒡᓗᒋᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᑦ ᒫᓐᓇᒧᑦ ᓄᑖᓂᒡᓗ ᐸᕐᓇᑦᑎᐊᖅᓯᒪᔪᓂᒃ ᐸᕐᓇᐅᑎᓂᒃ ᑐᓴᖅᑎᑦᑎᓗᓂᓗ ᑎᓕᐅᕈᑎᓂᒡᓗ ᖃᓄᖅ ᐱᐅᓯᒋᐊᖅᑕᐅᔪᓐᓇᕐᓂᖏᓐᓄᑦ
4.ᖃᖓᒥᑦ ᖃᖓᒧᑦ
- ᑐᒃᓯᕋᐅᑎ ᐱᓇᓲᑎᓄᑦ ᓴᖅᑭᑕᐅᔪᖅ: ᐋᒡᒌᓯ 19, 2025
- ᐱᔪᒪᓇᓲᑎᓄᑦ ᐃᓱᓕᕝᕕᐊ: ᓯᑎᐱᕆ 12, 2025
- ᖃᐅᔨᒪᔨᑕᕐᒥᒃ ᓂᕈᐊᕐᓂᖅ: ᓯᑎᐱᕆ19, 2025
- ᐅᖃᖃᑎᖃᕐᕕᒃᓴᖅ: ᓯᑎᐱᕆ 19, 2025 – ᒫᔾᔨ 31, 2026
- ᑭᖑᓪᓕᖅᐹᒧᑦ ᐱᓯᓇᓯᒧᑦ ᐸᕐᓇᐅᑎᐅᑉ ᑐᓂᔭᐅᔪᓐᓇᕐᓂᖓ: ᑎᓯᐱᕆ 31, 2025
*ᖃᐅᔨᒪᒋᑦ ᑖᓐᓇ ᐱᓕᕆᓂᖅ ᖃᖓᒧᑦ ᐱᕕᑭᒻᒪᑦ: ᑐᓂᓯᕝᕕᒃᓴᑦ ᐃᓱᖏᑦ ᐃᒃᐱᒋᔭᐅᔭᕆᐊᖃᖅᐳᑦ ᒪᓕᖁᓪᓗᑕ ᖃᖓᒧᑦ ᐸᕐᓇᒃᓯᒪᔭᑦᑎᓐᓂᒃ. ᐊᔪᕈᓐᓃᖅᓴᓂᕐᓄᑦ ᐱᓕᕆᓂᖅ ᐱᒋᐊᕆᐊᖃᖅᑐᖅ ᔫᓂᒥ ᐸᕐᓇᖃᑎᒋᓂᐊᕋᑦᑎᒍᑦ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᕖᑦ ᐃᓕᓐᓂᐊᖅᑎᖏᓪᓗ.
- ᐊᔪᖏᑦᑕᕆᐊᓖᑦ
ᓈᒻᒪᑦᑎᐊᖅᑐᖅ ᖃᐅᔨᒪᔨᑕᖅ ᓴᖅᑭᔮᖅᑎᑦᑎᓂᐊᖅᑐᖅ ᐅᑯᓂᖓ: ᓴᖅᑭᔮᖅᑐᑦ ᓇᓗᓇᐃᖅᓯᔪᑦ ᐊᑐᖅᓯᒪᔭᕐᒥᓂ ᓴᓇᓗᑎᒃ ᐱᓯᓇᓯᓄᑦ ᐸᕐᓇᐅᑎᓂᒃ, ᐱᔪᒪᔭᐅᓂᖅᓴᐅᓪᓗᑎᒃ ᐃᓕᓐᓂᐊᕐᓂᓕᕆᓂᕐᓂᑦ, ᑭᓱᓄᑦ ᑐᓴᐅᒪᔾᔪᑎᒃᓴᓕᐊᓂᑦ, ᓄᓇᖃᖅᑳᖅᑐᓂᓪᓘᓐᓃᑦ ᐊᐅᓚᑕᐅᔪᓂᑦ ᐱᒋᐊᕈᑎᓂᑦ
- ᑐᑭᓯᐅᒪᓗᓂ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᐅᒃᐱᕆᔭᖏᓐᓂᒃ ᓄᓇᓕᖏᑕᓗ ᐊᒃᓱᕉᑎᖏᓐᓂᒃ
- ᐱᓕᕆᖃᑎᖃᖅᓯᒪᓗᓂ ᑮᓇᐅᔭᓕᐅᕋᓱᖏᑦᑐᓂᒃ ᑎᒥᓂᒃ ᐊᔪᕈᓐᓃᖅᓴᑎᑦᑎᓲᓂᒡᓘᓐᓃᑦ ᑎᒥᓂᒃ
- ᐱᓕᕆᑦᑎᐊᒃᑲᐅᓗᓂ ᑮᓇᐅᔭᓕᕆᓂᕐᓄᑦ ᐋᖅᑭᙳᐊᖅᓯᒪᓕᐅᕐᓂᕐᓂᒃ ᐸᕐᓇᑦᑎᐊᖅᓯᒪᔪᓄᓪᓗ ᐸᕐᓇᒍᓯᕐᓂᒃ
- ᐊᓯᓂᒃ ᐱᓕᕆᖃᑎᖃᕈᓐᓇᕐᓗᓂ ᖃᖓᒥᓗ ᐱᔭᕇᖅᔅᒪᔭᕆᐊᓕᖕᓄᑦ ᒪᓕᒍᓐᓇᕐᓗᓂ
- ᐱᓇᓲᑎᒧᑦ ᒪᓕᒋᐊᓖᑦ
ᐱᓇᓱᒍᒪᔪᑦ ᖃᐅᔨᒪᔨᑕᐃᑦ ᑐᓂᓯᖁᔭᐅᕗᑦ ᐱᔪᒪᓇᓲᑎᒥᒃ ᐱᖃᓯᐅᓪᓗᒋᑦ ᐅᑯᐊ:
- ᑎᑎᕋᕐᓗᓂ ᓇᐃᓈᕐᓗᒋᑦ ᐊᔪᖏᓐᓂᖏᑦ ᐱᔪᒪᓂᕐᒥᓂᒡᓗ ᐱᓕᕆᔪᒧᑦ
- ᐱᓕᕆᓂᕐᓄᑦ ᐸᕐᓇᐅᑎᒋᔪᒪᔭᓂ ᐱᓕᕆᔾᔪᓯᖏᓪᓗ
- ᖃᖓᒨᖅᑐᑦ ᐊᑐᐃᓐᓇᐅᓃᓪᓗ
- ᑮᓇᐅᔭᑦ ᐸᕐᓇᒃᓯᒪᔪᑦ ᓇᓗᓇᐃᑦᑎᐊᕐᓗᒋᑦ ᐊᑮᑦ ᐊᑐᕐᓂᐊᖅᑐᓄᑦ ᐋᖅᑭᒃᓯᒪᓂᖏᑦ
- ᐃᖅᑲᓇᐃᔮᓄᑦ ᓇᓕᖅᑲᑦ ᐊᒻᒪᓗ ᐅᕝᕙᓘᓐᓃᑦ ᑎᒥᒥᑦ ᐃᓚᐅᖃᑕᐅᓂᖓᓄᑦ ᐅᓂᒃᑳᑦ
- ᒪᕐᕉᖕᓂᑦ ᐊᔪᖏᓐᓂᕋᐃᔫᒃ ᖃᖓᑦᑎᐊᕐᒥᑦ, ᐊᑑᑎᓕᖕᓂᑦ ᐱᓕᕆᔪᓂᑦ
- ᖃᐅᔨᓴᕈᑕᐅᔪᑦ
ᐱᔪᒪᓇᓲᑏᑦ ᑕᑯᓇᒃᑕᐅᓂᐊᖅᑐᑦ ᑐᙵᓗᑎᒃ ᐅᑯᓄᖓ:
- ᓴᖅᑭᔮᖅᑎᑦᑎᓗᑎᒃ ᐊᑐᖅᓯᒪᔭᕐᒥᓂᒃ ᐊᔪᙱᑕᒥᓂᒡᓗ (30%)
- ᐱᐅᓂᖏᑦ ᑲᔪᓰᓐᓇᕈᓐᓇᕐᓂᖏᓪᓗ ᐱᓕᕆᔾᔪᓯᐅᔪᒪᔪᑦ (30%)
- ᐊᑭᓂᒃ ᐊᑐᑦᑎᐊᕐᓃᑦ (20%)
- ᐃᓕᖅᑯᓯᑐᖃᒃᑯᑦ ᐊᑑᑎᖏᑦ ᑐᑭᓯᓃᓪᓗ ᐃᓄᐃᑦ ᓄᓇᓕᖏᓐᓂᒃ (20%)
- ᑐᓂᓯᓂᕐᓄᑦ ᑎᓕᐅᕈᑏᑦ
ᑐᓂᓗᒋᑦ ᐱᔪᒪᓇᓲᑏᑦ PDFᖑᓗᑎᒃ ᖃᕋᓴᐅᔭᒃᑯᑦ ᑎᑎᕋᑎᒍᑦ ᐅᕗᖓ:
ᑲᐃᑦ ᓴᐱᐊᓪ
ᐃᓄᐃᑦ ᑕᑯᓐᓇᕋᒃᓴᓕᕆᔩᑦ ᑯᐊᐳᕇᓴᖓ
ᖃᕋᓴᐅᔭᒃᑯᑦ ᑐᕌᕈᑎ: kate@inuitbroadcasting.ca
ᐅᖃᐅᓯᐅᔪᑦ: “ᑎᒍᓚᕗᑦ ᖃᐅᔨᒪᔨᑕᕐᒧᑦ ᑐᒃᓯᕋᐅᑎᓄᑦ ᐱᔪᒪᓇᓲᑎᓄᑦ ᑐᓂᔭᐅᔪᖅ”
- ᓱᓖᑦ ᖃᐅᔨᒪᔭᐅᔪᑦ
ᐊᐱᖅᑯᑏᑦ ᑖᔅᓱᒧᖓ ᑐᒃᓯᕋᐅᑎᒧᑦ ᐱᔪᒪᓇᓲᑎᒧᑦ ᓇᒃᓯᐅᔾᔭᐅᔪᓐᓇᖅᑐᑦ ᖃᕋᓴᐅᔭᒃᑯᑦ ᑎᑭᓪᓗᒍ ᐋᒡᒌᓯ 29, 2025.
