ᑐᖅᑯᖅᓯᒪᔪᑦ

ᐃᓄᐃᑦ ᑕᑯᓐᓇᕋᑦᓴᓕᕆᔩᑦ (IBC) ᓱᕋᔾᔭᐃᖅᓯᓯᒪᕗᑦ ᐊᓐᓂᕐᓇᓪᓚᒃᑐᓂᒃ ᑲᑎᓯᒪᔪᓂᒃ ᖃᖓᒥᑦ ᑕᕐᕆᔭᓂᒃ ᑕᕐᕆᔭᓕᐊᒃᓴᓂᒡᓗ 40 ᐊᕐᕌᒍᐸᓗᖕᓄᑦ. ᑲᑎᖅᓱᖅᓯᒪᔭᖏᑦ ᐱᖃᓯᐅᔾᔨᓯᒪᔪᑦ 9,000 ᑲᓴᓄᑦ ᐃᑲᕐᕋᓂᒃ ᐊᔾᔨᓕᐅᖅᓯᒪᔪᓂᒃ ᑕᕐᕆᔭᓕᐊᖑᓯᒪᔪᓂᒡᓗ ᐱᔭᕇᖅᓯᒪᔪᓂᒃ, ᐊᑭᖃᕋᓱᒋᔭᐅᔪᓂᒃ $60 ᒥᓕᐊᓐᐸᓗᖕᓂᒃ.

1970ᓂᓂᑦ, ᑕᕐᕆᔭᓕᐅᖅᑎᕗᑦ ᐳᐃᒍᔾᔭᐃᖅᓯᓯᒪᕗᑦ ᐅᐊᑲᓪᓚᓂᒃ ᓄᑖᓂᒃ ᖃᓄᐃᑉᐸᓪᓕᐊᔪᓂᒃ ᐃᓄᐃᑦ ᕿᒪᒃᑕᑦᑎᓐᓂᑦ ᐊᑐᖅᓯᒪᔭᖏᓐᓂ, ᖃᓄᐃᑦᑐᑦ ᐳᐃᒍᔾᔭᐃᖅᖢᒋᑦ ᐃᓄᐃᑦ ᑕᐅᑐᒃᑕᖏᓐᓂᑦ. ᐳᐃᒍᔾᔭᐃᖅᓯᒪᕙᐃᑦ ᐊᓯᔾᔨᖅᑐᑦ ᕿᒧᒃᓯᓂᑦ ᑕᓚᕘᕋᓛᓄᑦ, ᐅᖃᐅᓯᕆᓪᓗᒋᑦ ᐊᕕᒃᑐᖅᑕᐅᔪᑦ ᐊᕕᒃᓯᒪᔪᑦᓂᑦ, ᓴᓇᔭᐅᓂᖏᑦ ᐊᑑᑎᖃᑦᑎᐊᖅᑐᑦ ᐃᓄᐃᑦ ᑎᒥᖏᑦ, ᐃᓱᒪᒋᔭᐅᓂᖏᑦ ᐊᑎᓕᐅᖅᑕᐅᓂᖏᓪᓗ ᓄᓇᓄᑦ ᐊᖏᖃᑎᒌᒍᑏᑦ, ᓄᓇᕘᑖᕐᓂᖅ, ᐊᓯᔾᔨᖅᐸᓪᓕᐊᓂᖓᓗ ᐃᓅᓯᒃᑯᑦ ᐃᓕᖅᑯᓯᑐᖃᒃᑯᓪᓗ ᐊᕙᑎᐅᑉ. ᑖᒃᑯᐊ ᑐᖅᑯᖅᓯᒪᔪᑦ ᑭᒡᒐᖅᑐᐃᕗᑦ ᐊᔾᔨᖃᖏᓪᓚᑦᑖᖅᑐᓂᒃ ᖃᓄᐃᑦᑐᓄᑦ ᖃᖓᒥᒃ ᑕᐃᑲᙵᒥᑦ.

ᖄᖓᓄᑦ ᐅᓪᓗᒥᐅᔪᖅ ᓯᕗᓂᕐᒥᓗ ᑕᑯᓐᓇᕋᑦᓴᓕᕆᔨᒃᑯᑦ ᑕᕐᕆᔭᓕᐊᖏᓐᓄᑦ, ᑖᒃᑯᐊ ᑐᖅᑐᖅᓯᒪᔪᑦ ᐊᔾᔨᓕᐊᑦ ᐃᑲᔪᓪᓚᒃᓯᒪᔪᐊᓘᕗᑦ ᑐᓴᐅᒪᔭᐅᓂᖏᓐᓄᑦ ᐳᐃᒍᔾᔭᐃᖅᑕᐅᓂᖏᓐᓄᓪᓗ ᐃᓄᐃᑦ ᐅᖃᐅᓯᖏᑦ ᐃᓕᖅᑯᓯᑐᖃᖏᓪᓗ, ᓴᖅᑭᔮᖅᑎᑦᑎᓪᓗᑎᒃ ᓇᓕᐊᖕᓂᒃ ᐃᓄᐃᑦ ᑭᓇᐅᓂᖏᑕ ᐃᓚᖏᓐᓂᒃ. ᐱᕐᔪᐊᖑᓂᖏᑦ ᑖᒃᑯᐊ ᐊᓯᔾᔨᒐᒃᓴᐅᖏᑦᑐᑦ ᐃᓕᖅᑯᓯᑐᖃᓂᑦ ᐊᓐᓂᕐᓇᓪᓚᒃᑐᑦ ᐱᕐᔪᐊᖑᓂᖏᑦ ᐅᖃᖅᑕᐅᔪᓐᓇᖏᑦᑐᑦ: ᐊᓐᓂᕐᓇᓗᐊᖅᐳᑦ ᐃᓄᑐᐊᖑᖏᑦᑐᓄᑦ ᑭᓯᐊᓂᑦᑕᐅᖅ ᐅᓄᖅᑐᓄᑦ ᓄᓇᕐᔪᐊᒥᐅᓄᑦ. ᐊᑐᐃᓐᓇᐅᖁᓗᐊᖅᑕᕗᑦ ᑖᒃᑯᐊ ᑕᑯᔭᒃᓴᑦ ᓄᓇᓕᖕᓄᑦ ᐱᔨᑦᑎᕋᖅᑕᑦᑎᓐᓄᑦ, ᒪᒃᑯᒃᑐᓄᑦ ᐱᓗᐊᖅᑐᒥᒃ, ᐃᓖᓐᓇᕈᓐᓇᕐᓂᐊᕐᒪᑕ ᐃᓐᓇᒥᓂᑦ.