ᐊᓯᓄᑦ ᑐᓴᐅᒪᔭᐅᖏᓐᓂᕐᓄᑦ ᐊᑐᐊᒐᖅ
ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᓂ ᐊᓐᓂᕆᓪᓚᒃᑲᑦᑎᒍᑦ ᐅᒃᐱᕆᔭᐅᓂᕗᑦ ᑕᐅᑐᒃᑐᓂᑦ ᓄᓇᓕᖕᓂᓪᓗ. ᐊᓯᓄᑦ ᑐᓴᐅᒪᔭᐅᖏᓐᓂᕐᓄᑦ ᐊᑐᐊᒐᕗᑦ ᐅᖃᐅᓯᖃᖅᑐᑦ ᖃᓄᐃᓕᐅᖅᑕᑦᑎᓐᓂᒃ ᓴᐳᑎᓪᓗᒋᑦ ᐃᓕᖕᓅᖓᔪᑦ ᐱᕈᖅᓴᐃᓂᑦᑎᓐᓂ ᐱᕋᔭᒃᑕᐅᔪᓐᓇᖏᑦᑐᒥᒃ ᐃᒃᐱᒍᓱᒃᑐᒥᒡᓗ ᐊᕕᑎᒥᒃ ᑐᓴᐅᒪᔭᐅᑎᑦᑎᓂᕐᓄᑦ ᖁᕕᐊᓲᑎᖃᕐᓂᕐᓄᓪᓗ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ.
ᑭᖑᓪᓕᖅᐹᒥ ᓄᑖᕈᕆᐊᖅᑕᐅᔪᖅ ᒫᑦᓯ 14, 2025
ᑖᓐᓇ ᐊᓯᓄᑦ ᑐᓴᐅᒪᔭᐅᖏᓐᓂᕐᓄᑦ ᑐᓴᒐᒃᓴᖅ ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᓄᑦ ( ” ᐅᕙᒍᑦ ,” ” ᐅᕙᒍᑦ ,” ᐅᕝᕙᓘᓐᓃᑦ ” ᐱᕗᑦ” ), ᐅᖃᐅᓯᖃᖅᑐᑦ ᖃᓄᖅ ᖃᓄᐃᒻᒪᓪᓗ ᑲᑎᖅᓱᐃᑐᐃᓐᓇᕆᐊᖃᕋᑦᑕ, ᑐᖅᑯᕐᓗᒋᑦ, ᐊᑐᕐᓗᒋᑦ, ᐊᒻᒪᓗ ᐅᕝᕙᓘᓐᓃᑦ ᐅᖃᐅᓯᕆᓗᒋᑦ (“ᐱᓕᕆᔾᔪᓯᖅ “ ) ᐃᓕᖕᓅᖓᔪᑦ ᐊᑐᕈᕕᑦ ᐱᔨᑦᑎᕋᕐᓂᑦᑎᓐᓂᒃ ( ” ᐱᔨᑦᑎᕋᕐᓃᑦ ” ), ᓲᕐᓗᑐᑦ ᐃᒪᐃᒃᑯᕕᑦ:
- ᑕᑯᒍᒃ ᐃᑭᐊᖅᑭᕕᕗᑦ ᐅᕙᓂ info@IBC.com, ᓇᓕᐊᑐᐃᓐᓇᕐᒧᓪᓘᓐᓃᑦ ᐃᑭᐊᖅᑭᕕᒃᑎᓐᓄᑦ ᑐᕌᕈᑎᓕᖕᒥᒃ ᑖᒡᓱᒧᖓ ᐊᓯᓄᑦ ᑐᓴᐅᒪᔭᐅᖏᓐᓂᕐᓄᑦ ᑐᓴᒐᒃᓴᒧᑦ.
- ᐅᖃᖃᑎᒋᑎᒍᑦ ᐊᓯᑎᒍᑦ ᐊᒃᑐᐊᔪᑎᒍᑦ ᐱᔾᔪᓯᑎᒍᑦ, ᓲᕐᓗᑐᑦ ᓇᓕᐊᑐᐃᓐᓇᑦ ᓂᐅᕐᕈᑎᖃᕐᓃᑦ, ᓂᐅᕕᕈᒪᑎᑦᑎᓃᑦ ᖃᓄᐃᓕᐅᖅᑐᓂᓘᓐᓃᑦ
ᐊᐱᖅᑯᑏᑦ ᐃᓱᒫᓘᑏᓪᓘᓐᓃᑦ? ᐅᖃᓕᒫᕐᓗᒍ ᑖᓐᓇ ᐊᓯᓄᑦ ᖃᐅᔨᔭᐅᔭᕆᐊᖃᖏᓐᓂᕐᓄᑦ ᑐᓴᖅᑎᑦᑎᔪᖅ ᑐᑭᓯᔾᔪᑎᒋᓂᐊᖅᑕᐃᑦ ᐊᓯᓄᑦ ᖃᐅᔨᔭᐅᔭᕆᐊᖃᖏᓐᓂᕐᓄᑦ ᐱᔪᓐᓇᐅᑎᖕᓂᒃ ᐊᑐᕈᓐᓇᖅᑕᕐᓂᒡᓗ. ᐊᖏᖃᑎᒋᖏᒃᑯᕕᒋᑦ ᐊᑐᐊᒐᕗᑦ ᐱᓕᕆᔾᔪᓯᕗᓪᓗ, ᐊᑐᖏᓪᓗᒋᑦ ᐱᔨᑦᑎᕋᕐᓂᕗᑦ. ᐊᐱᖅᑯᑎᒃᓴᖃᕈᕕᑦ ᓱᓕ ᐃᓱᒫᓘᑎᓂᒡᓘᓐᓃᑦ, ᐅᖃᖃᑎᒋᑎᒍᑦ ᐅᕙᓂ ᖃᐅᔨᒋᑦ@IBC.com
ᓇᐃᓈᖅᓯᒪᔪᑦ ᐅᖃᐊᓯᕆᔭᐅᓪᓗᐊᑕᖅᑐᑦ
ᑭᓱᓂᒃ ᐃᓕᖕᓅᖓᔪᓂᒃ ᐊᑐᖅᐱᑕ?
ᐅᐸᒃᑯᕕᑦ, ᐊᑐᕈᕕᑦ ᑕᑯᓇᒃᑯᕕᒋᓪᓘᓐᓃᑦ ᐱᔨᑦᑎᕋᖅᑕᕗᑦ, ᐊᑐᑐᐃᓐᓇᕆᐊᖃᖅᑐᒍᑦ ᐃᓕᖕᓅᖓᔪᓂᒃ ᖃᐅᔨᒪᔭᐅᔪᓂᒃ ᑐᙵᓗᑎᒃ ᖃᓄᖅ ᐅᕙᑦᑎᓐᓄᑦ ᐱᖕᒪᖔᖅᐱᑦ ᐱᔨᑦᑎᕋᕐᓂᕐᓄᓪᓗ, ᓇᓕᐊᖕᓄᑦ ᓂᕈᐊᖅᑕᕐᓄᑦ, ᑭᓱᓂᒡᓗ ᖃᓄᐃᓕᖓᔪᓂᒡᓗ ᐊᑐᖅᑕᕐᓄᑦ.
ᐊᑐᖃᑦᑕᖅᐳᒎᑦ ᑲᙳᓇᓗᐊᖅᑐᓂᒃ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ?
ᐊᑐᖃᑦᑕᖏᑦᑐᒍᑦ ᑲᙳᓇᓗᐊᖅᑐᓂᒃ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ.
ᖃᐅᔨᒪᔭᐅᔪᓂᒃ ᐊᓯᑦᑎᓐᓂᑦ ᑐᓴᖃᑦᑕᖅᐱᑖ?
ᐱᑐᐃᓐᓇᕆᐊᖃᖅᑐᒍᑦ ᖃᐅᔨᒪᔭᐅᔪᓂᒃ ᐃᓄᓕᒫᓕᕆᔪᓂᑦ ᑐᖅᑯᖅᓯᒪᔪᓂᑦ, ᓂᐅᕕᖁᔨᔨᓂᑦ ᐱᓕᕆᖃᑎᑦᑎᓐᓂᑦ, ᐃᓅᖃᑎᒌᓄᑦ ᑐᓴᕈᑎᓂᑦ ᐊᓯᓂᓪᓗ ᓯᓚᑦᑎᓐᓂᑦ ᑐᓴᕐᕕᒋᔭᑦᑎᓐᓂᑦ.
ᖃᓄᖅ ᐊᑐᖅᐸᕗᑦ ᐃᓕᖕᓅᖓᔪᑦ ᖃᐅᔨᔭᐅᔪᑦ?
ᐊᑐᓲᕗᑦ ᐃᓕᖕᓅᖓᔪᑦ ᑐᓂᓪᓗᒋᑦ, ᐱᐅᓯᒋᐊᕈᑎᒋᓪᓗᒋᑦ ᐊᐅᓚᔾᔪᑎᒋᓪᓗᑎᒍᓪᓗ ᐱᔨᑦᑎᕋᕐᓂᑦᑎᓐᓂᒃ, ᐅᖃᖃᑎᒋᔾᔪᑎᒋᓪᓗᒋᑦ ᐃᓕᖕᓄᑦ, ᑲᑉᐱᐊᓇᖏᑦᑐᒦᓐᓂᕐᓄᑦ ᐱᕋᔭᒃᑕᐅᔾᔭᐃᕐᓂᕐᓄᓪᓗ, ᒪᓕᒍᑎᒋᓪᓗᒋᓪᓗ ᐱᖁᔭᕐᔪᐊᒥᒃ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᐊᖏᓪᓗᑎᑦ. ᐊᑐᓲᕗᑦ ᐃᓕᖕᓅᖓᔪᑦ ᐱᖁᔭᑎᒍᑦ ᑕᐃᒪᐃᔾᔪᑎᒃᓴᖃᕌᖓᑦᑕ ᑭᓯᐊᓂ.
ᖃᓄᐃᑦᑐᓂ ᑭᒃᑯᓐᓄᓪᓗ ᐅᖃᐅᓯᕆᕙᕗᑦ ᐅᕙᑦᑎᓐᓅᖓᔪᑦ ᖃᐅᔨᒪᔭᐅᔪᑦ?
ᐊᓯᓄᑦ ᐅᖃᑐᐃᓐᓇᕆᐊᖃᖅᑐᒍᑦ ᖃᐅᔨᒪᔭᐅᔪᓂᒃ ᓇᓕᐊᓪᓗᐊᑕᓂ ᖃᓄᐃᑦᑐᓂ ᓇᓕᐊᓪᓗᐊᑕᓄᑦ ᓯᓚᑎᑦᑎᓐᓃᑦᑐᓄᑦ.
ᖃᓄᖅ ᐃᓕᖕᓅᖓᔪᑦ ᐊᓯᓄᑦ ᑕᑯᔭᐅᑦᑕᐃᓕᒪᑎᑉᐱᕗᑦ?
ᐋᖅᑭᒃᓯᒪᔪᓕᕆᓂᒃᑯᑦ ᖃᓄᐃᓕᖓᕈᓘᔭᖅᑐᑎᒍᓪᓗ ᐱᓕᕆᔾᔪᓯᖃᖅᑐᒍᑦ ᓴᐳᔾᔪᔾᔪᑎᒋᓪᓗᒋᑦ ᐃᓕᖕᓅᖓᔪᓂᒃ ᖃᐅᔨᒪᔭᐅᔪᓂᒃ. ᑭᓯᐊᓂ, ᖃᕋᓴᐅᔭᒃᑯᑦ ᓂᐅᕕᖅᑐᑦ ᐃᓐᑐᓂᐊᑦᑯᑦ ᖃᐅᔨᒪᔭᐅᔪᓄᓪᓘᓐᓃᑦ ᑐᖅᑯᕐᕖᑦ 100 ᐳᓴᓐᒧᑦ ᐱᔭᕋᔾᔭᐃᖅᓯᒪᔪᓐᓇᖏᒻᒪᑕ, ᐅᖃᕈᓐᓇᖏᑦᑐᒍᑦ ᑕᐃᒪᐃᓐᓂᐊᕐᓂᕋᐃᓗᑕᓘᓐᓃᑦ ᐃᓵᕋᓱᒃᑏᑦ, ᖃᕋᓴᐅᔭᒃᑯᑦ ᐱᕋᔭᐃᑦ ᐊᓰᓪᓘᓐᓃᑦ ᐊᖏᖅᑕᐅᓯᒪᖏᑦᑐᑦ ᐃᓚᐅᖏᑦᑐᑦ ᓵᓚᖃᕈᓐᓇᔾᔮᖏᑦᑐᑦ ᓴᐳᔾᔪᑎᕗᑦ ᐊᖏᖅᑕᐅᓯᒪᖏᓪᓗᑎᒡᓗ ᑲᑎᖅᓱᐃᓗᑎᒃ, ᑕᑯᓗᑎᒃ ᑎᒡᓕᒡᓗᑎᒃ ᐋᖅᑮᒋᐊᕐᓗᑎᒡᓘᓐᓃᑦ ᐃᓕᖕᓅᖓᔪᓂᒃ.
ᖃᓄᐃᓕᖓᕙᑦ ᐱᔪᓐᓇᐅᑎᑎᑦ?
ᒪᓕᒡᓗᒍ ᓄᓇᕐᔪᐊᕐᒥ ᓇᓃᒻᒪᖔᖅᐱᑦ, ᐊᑐᖅᑐᑦ ᐊᓯᓄᑦ ᖃᐅᔨᔭᐅᔭᕆᐊᖃᖏᓐᓂᕐᓄᑦ ᐱᖁᔭᕐᔪᐊᑦ ᑐᑭᖃᑐᐃᓐᓇᕆᐊᓖᑦ ᓇᓕᐊᓪᓗᐊᑕᕐᓂᒃ ᐱᔪᓐᓇᐅᑎᖃᖅᐳᑎᑦ ᐃᓕᖕᓅᖓᔪᓄᑦ ᖃᐅᔨᒪᔭᐅᔪᓄᑦ.
ᖃᓄᖅ ᐊᑐᕐᓂᐊᕋᕕᒋᑦ ᐃᓕᖕᓄᑦ ᐱᔪᓐᓇᐅᑎᑎᑦ?
ᐊᔪᕐᓇᙱᓛᖑᕗᖅ ᐱᔪᓐᓇᐅᑎᑎᑦ ᐊᑐᕋᓱᒡᓗᒋᑦ ᑐᓂᓯᓗᑎᑦ ᖃᐅᔨᒪᔭᐅᔪᓄᑦ ᑭᓱᓕᕆᔪᓄᑦ ᑕᑯᔪᒪᓗᑎᑦ ᑐᒃᓯᕋᐅᑎᓕᐅᕐᓗᑎᑦ, ᐅᖃᖃᑎᒋᓗᑎᒍᓪᓘᓐᓃᑦ. ᐃᓱᒪᒋᓂᐊᖅᐸᕗᑦ ᖃᓄᐃᒋᐊᕐᓗᒋᓪᓗ ᓇᓕᐊᑐᐃᓐᓇᓄᑦ ᑐᒃᓯᕋᖅᑐᓄᑦ ᒪᓕᒡᓗᒋᑦ ᐊᑐᖅᑐᑦ ᖃᐅᔨᒪᔭᐅᔪᓄᑦ ᓴᐳᔾᔨᔪᑦ ᐱᖅᔪᔭᕐᔪᐊᑦ.
ᐃᓗᓕᖏᑦ
- ᑭᓱᓂᒃ ᖃᐅᔨᒪᔭᐅᔪᓂᒃ ᑲᑎᖅᓱᐃᖃᑦᑕᖅᐱᑕ?
- ᖃᓄᖅ ᐊᑐᖅᐸᕗᑦ ᐃᓕᖕᓅᖓᔪᑦ?
- ᑭᓱᓄᑦ ᐱᖁᔭᑎᒍᑦ ᑐᙵᕕᓄᑦ ᑐᙵᕕᑕ ᐱᓕᕆᓕᕌᖓᑦᑎᒍᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
- ᖃᖓ ᑭᓇᒧᓪᓗ ᐅᖃᐅᓯᕆᕙᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
- ᐊᑐᓲᖑᕕᑖ ᖃᕋᓴᐅᔭᒃᑯᑦ ᖃᐅᔨᓴᐅᑎᓂᒃ ᐊᓯᓂᒡᓗ ᐃᓕᖕᓄᑦ ᖃᐅᔨᓴᕈᑎᓂᒃ?
- ᖃᓄᑎᒋᒧᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐱᓯᒪᕙᕗᑦ?
- ᖃᓄᖅ ᖃᐅᔨᔭᐅᑎᙱᓚᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
- ᖃᓄᖅ ᖃᐅᔨᒪᔭᐅᔪᓂᒃ ᑲᑎᖅᓴᐃᓲᖑᕕᑕ ᓱᕈᓯᓂᑦ?
- ᖃᓄᐃᓕᖓᕙᑦ ᐊᓯᓄᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᖃᐅᔨᔭᐅᖁᓇᒋᑦ ᐱᔪᓐᓇᐅᑎᑎᑦ?
- ᐊᐅᓚᑦᑎᔾᔪᑏᑦ ᖃᐅᔨᓴᖅᑕᐅᔪᒪᖏᔾᔪᑎᒧᑦ
- ᓄᑖᕈᕆᐊᖃᑦᑕᖅᐸᕘᑦ ᑖᓐᓇ ᑐᓴᒐᒃᓴᖅ?
- ᖃᓄᖅ ᐅᖃᖃᑎᖃᕈᓐᓇᖅᐱᑦ ᐅᕙᑦᑎᓐᓂᒃ ᑖᖦᓱᒪᐅᑉ ᑐᓴᒐᒃᓴᐅᑉ ᒥᒃᓵᓄᑦ?
- ᖃᓄᖅ ᑕᑯᓇᒍᓐᓇᖅᐱᓯᐅᒃ, ᓄᑖᕈᕆᐊᕐᓗᒋᑦ, ᓱᕋᖅᑎᓗᒋᓪᓘᓐᓃᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᐃᓕᖕᓂᑦ?
- ᑭᓱᓂᒃ ᖃᐅᔨᒪᔭᐅᔪᓂᒃ ᑲᑎᖅᓱᐃᖃᑦᑕᖅᐱᑕ?
ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐅᖃᐅᓯᕆᔭᑎᑦ ᐅᕙᑦᑎᓐᓄᑦ
ᓇᐃᓈᕐᓗᒍ: ᑲᑎᖅᓱᐃᔪᒍᑦ ᐃᓕᖕᓅᖓᔪᓂᒃ ᐅᖃᐅᓯᕆᔭᕐᓂᒃ ᐅᕙᑦᑎᓐᓄᑦ.
ᑲᑎᖅᓱᐃᓲᖑᔪᒍᑦ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ ᐃᓱᒪᖅᓱᖅᖢᑎᑦ ᐅᖃᐅᓯᕆᔭᕐᓂᒃ ᐅᕙᑦᑎᓐᓄᑦ ᑐᓴᕈᒪᔭᕌᖓᕕᑦ ᖃᐅᔨᒪᔭᐅᔪᓂᒃ ᐅᕙᑦᑎᓐᓂᑦ ᐱᖁᑎᑦᑎᓐᓄᓪᓘᓐᓃᑦ ᐱᔨᑦᑎᕋᕐᓂᕐᓄᓪᓗ, ᐃᓚᐅᔭᕌᖓᕕᑦ ᖃᓄᐃᓕᐅᖅᑐᓄᑦ ᐱᔨᑦᑎᕋᕐᓂᕐᓂ, ᐅᕝᕙᓘᓐᓃᑦ ᐅᕙᑦᑎᓐᓄᑦ ᐅᖄᓚᒍᕕᑦ.
ᐃᓂᖕᓅᖓᔪᑦ ᖃᐅᔨᒪᔭᐅᔪᑦ ᐅᖃᐅᓯᕆᔭᑎᑦ. ᐃᒻᒥᓅᖓᔪᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᑐᙵᕗᑦ ᖃᓄᐃᓕᖓᓂᖏᓐᓄᑦ ᖃᓄᐃᓕᐅᖃᑎᒋᓂᖅᑎᑦ ᐅᕙᑦᑎᓐᓄᑦ ᐱᔨᑦᑎᕋᕐᓂᕐᓄᓪᓗ, ᓇᓕᐊᖕᓄᑦ ᓂᕈᐊᖅᑕᕐᓄᑦ, ᑭᓱᓄᓪᓗ ᖃᓄᐃᓕᖓᔪᓄᓪᓗ ᐊᑐᖅᑕᕐᓄᑦ. ᐃᓂᖕᓅᖓᔪᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᐅᑯᓂᖓ ᐱᑕᖃᕈᓐᓇᖅᑐᑦ:
- ᐊᑏᑦ
- ᑕᓚᕘᑦ ᓇᐃᓴᐅᑎᖏᒃ
- ᖃᕋᓴᐅᔭᒃᑯᑦ ᑐᕌᕈᑏᑦ
- ᐅᖃᖃᑎᒃᓴᓄᑦ ᐱᐅᒋᔭᐅᓂᖅᓴᐃᑦ
.ᖃᙳᓇᓗᐊᖅᑐᑦ ᖃᐅᔨᒪᔭᐅᔪᑦ. ᑲᑎᖅᓱᐃᖏᑦᑐᒍᑦ ᑲᙳᓇᓗᐊᖅᑐᓂᒃ ᖃᐅᔨᒪᔭᐅᔪᓂᒃ.
ᐊᑕᖏᕐᓗᑎᒃ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐅᖃᐅᓯᕆᔭᑎᑦ ᐅᕙᑦᑎᓐᓄᑦ ᓱᓕᔭᕆᐊᓖᑦ, ᐃᓗᐃᑦᑑᓗᑎᒃ ᑕᒻᒪᖅᓯᒪᖏᓪᓗᑎᒡᓗ, ᐅᖃᐅᑎᒋᔭᕆᐊᖃᕋᑦᑎᒍᑦ ᐊᓯᔾᔨᖅᑐᓂᒃ ᑕᐃᒪᐃᑦᑐᓄᑦ ᐃᒻᒥᓅᖓᔪᓄᑦ ᖃᐅᔨᒪᔭᐅᔪᓄᑦ.
Iᖃᐅᔨᒪᔭᐅᔪᑦ ᑲᑎᖅᓱᖅᑕᐅᑲᐅᑎᒋᔪᑦ
ᓇᐃᓈᕐᓗᒍ: ᐃᓚᖏᑦ ᖃᐅᔨᒪᔭᐅᔪᑦ-ᓲᕐᓗᑐᑦ ᐃᓐᑐᓂᐊᑦᕈᓐᓇᐅᑎᕕᑦ (IP) ᑐᕌᕈᑎᖓ ᐊᒻᒪᓗ ᐅᕝᕙᓘᓐᓃᑦ ᑕᑯᓇᒍᓐᓇᐅᑏᑦ ᑕᑯᓇᒍᑎᕕᓪᓗ ᖃᓄᐃᓕᖓᓂᖏᑦ-ᑲᑎᖅᓱᖅᑕᐅᑲᐅᑎᒋᔪᑦ ᑕᑯᒍᕕᒋᑦ ᐱᔨᑦᑎᕋᖅᑕᕗᑦ.
ᑲᑎᖅᓱᐃᑲᐅᑎᒋᓲᖑᔪᒍᑦ ᓇᓕᐊᓪᓗᐊᑕᓂᒃ ᖃᐅᔨᒪᔭᐅᔪᓂᒃ ᑕᑯᓇᖔᒐᕕᑦ, ᐊᑐᕈᕕᑦ, ᑕᑯᓇᒡᓗᒋᓪᓘᓐᓃᑦ ᐱᔨᑦᑎᕋᕐᓃᑦ. ᑖᒃᑯᐊ ᖃᐅᔨᒪᔭᐅᔪᑦ ᐅᖃᐅᓯᖃᖏᑦᑐᑦ ᑭᓇᐅᓪᓗᐊᑕᕐᓂᕐᓂᒃ (ᓲᕐᓗᑐᑦ ᐊᑏᑦ ᐅᖃᖃᑎᒋᕕᒃᓴᑎᓪᓗ) ᑭᓯᐊᓂ ᐱᖃᓯᐅᔾᔨᑐᐃᓐᓇᕆᐊᓖᑦ ᐊᑐᖅᑕᕈᑎᖕᓄᑦ ᐊᑐᕈᓯᕐᓄᓪᓗ ᖃᐅᔨᒪᔭᐅᔪᓂᒃ, ᓲᕐᓗᑐᑦ ᐃᓐᑐᓂᐊᑦᕈᑎᕕᑦ ᑐᕌᕈᑎᖓ, ᑕᑯᓇᒍᓐᓇᐅᑎᕕᑦ ᐊᑐᖅᑕᕕᓪᓗ ᐋᖅᑭᒃᓯᒪᓂᖏᑦ, ᐊᐅᓚᔾᔪᑎᖏᑦ, ᐅᖃᐅᓯᓄᑦ ᐊᑐᕈᒪᓂᖅᓴᑎᑦ, ᑕᑯᓇᒍᓐᓇᒐᒃᓴᓄᑦ ᐊᓯᐊᓄᐊᕈᑏᑦ, ᑕᑯᓇᒍᑎᕕᑦ ᐊᑎᖓ, ᓇᓂ ᒐᕙᒪᓕᒃ, ᓇᓃᓐᓃᑦ, ᖃᐅᔨᒪᔭᐅᔪᑦ ᖃᓄᖅ ᖃᖓᓗ ᐊᑐᕋᕕᑦ ᐱᔨᑦᑎᕋᕐᓂᑦᑎᓐᓂᒃ, ᐊᓯᓂᒡᓗ ᓴᓇᐅᒐᖅᓯᐅᑎᓄᑦ ᖃᐅᔨᒪᔭᐅᔪᓂᒃ. ᑖᒃᑯᐊ ᖃᐅᔨᒪᔭᐅᔪᑦ ᐊᑐᕆᐊᖃᓗᐊᖅᑐᑦ ᓴᐳᔾᔭᐅᓂᖏᓐᓄᑦ ᐊᐅᓚᓂᖏᓐᓄᓪᓗ ᐱᔨᑦᑎᕋᕐᓂᕗᑦ, ᐱᓕᕆᕝᕕᑦᑎᓐᓂᓗ ᖃᐅᔨᓴᕐᓂᕐᓄᑦ ᐅᓂᒃᑳᓕᐅᕆᐊᖃᕐᓂᕐᓄᓪᓗ.
ᐅᓄᖅᑐᖅᑎᑐᑦ ᐱᓯᓇᓯᑎᑐᑦ, ᑲᑎᖅᓱᐃᒐᑦᑕ ᖃᐅᔨᒪᔭᐅᔪᓂᒃ ᐊᑐᖅᖢᒋᑦ ᖃᐅᔨᓴᐅᑏᑦ ᐊᔾᔨᐸᓗᖏᓐᓂᒡᓗ ᓴᓇᓯᒪᔪᓂᒃ.
ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᐅᑯᓂᖓ ᐱᖃᓯᐅᔾᔨᔪᑦ:
- ᐳᐃᒍᔾᔭᐃᕈᑏᑦ ᐊᑐᕐᓂᕐᓄᓪᓗ ᖃᐅᔨᒪᔭᐅᔪᑦ: ᐳᐃᒍᔾᔭᐃᕈᑏᑦ ᐊᑐᕐᓂᕐᓄᓪᓗ ᖃᐅᔨᒪᔭᐅᔪᑦ ᐱᔨᑦᑎᕋᕐᓂᕐᓄᑦ ᐊᒃᑐᐊᔪᑦ, ᖃᐅᔨᓴᐅᑕᐅᔪᑦ, ᐊᑐᕐᓃᑦ ᐱᓕᕆᑦᑎᐊᕐᓂᕐᓄᓪᓗ ᖃᐅᔨᒪᔭᐅᔪᑦ ᖃᕋᓴᐅᔭᑦᑕ ᑲᑎᖅᓱᑲᐅᑎᒋᖃᑦᑕᖅᑕᖏᑦ ᑕᑯᒍᕕᑦ ᐊᑐᕈᕕᓪᓘᓐᓃᑦ ᐱᔨᑦᑎᕋᖅᑕᑦᑎᓐᓂᒃ ᐳᐃᒍᔾᔭᐃᓲᑦᑎᓐᓂᒃ ᐳᐃᒍᔾᔭᐃᕈᑎᓂ. ᒪᓕᒡᓗᒋᑦ ᖃᓄᐃᓐᓂᑎᑦ ᐅᕙᑦᑎᓐᓄᑦ, ᑖᒃᑯᐊ ᐳᐃᒍᔾᔭᐃᒃᑯᑎᓄᑦ ᖃᐅᔨᒪᔭᐅᔪᑦ ᐱᖃᓯᐅᔾᔨᔪᓐᓇᖅᑐᑦ ᐃᓐᑐᓂᐊᑦᑯᑦ ᑐᕌᕈᑎᖕᓂᒃ, ᐊᑐᖅᑕᕐᓄᑦ ᖃᐅᔨᒪᔭᐅᔪᓂᒃ, ᑕᑯᓇᒍᑎᕕᑦ ᖃᓄᐃᑦᑑᓂᖓᓂᒃ ᐋᖅᑭᒃᓯᒪᓂᕐᓂᒡᓗ ᖃᐅᔨᒪᔭᐅᔪᓂᒡᓗ ᐱᓕᕆᔭᕐᓄᑦ ᐱᔨᑦᑎᕋᕐᓂᕐᓂ (ᐅᓪᓗᖅᑐᑦ/ᖃᖓᒧᑦ ᓇᓗᓇᐃᒃᑯᑕᑦ ᐊᒃᑐᐊᔪᑦ ᐊᑐᕐᓂᕐᓄᑦ, ᒪᒃᐱᒐᑦ ᑕᑯᓇᒃᑕᑎᑦ ᑭᓱᓪᓗ ᑕᑯᓇᒃᑕᑎᑦ, ᕿᓂᖅᑕᑎᑦ, ᐊᓰᓪᓗ ᐱᓕᕆᔭᑎᑦ ᖃᓄᐃᑦᑐᓂᒡᓗ ᐊᑐᕐᓂᑎᑦ), ᐊᑐᖅᑕᕐᓄᑦ ᖃᓄᐃᑦᑐᓄᑦ ᖃᐅᔨᒪᔭᐅᔪᑦ (ᓲᕐᓗᑐᑦ ᐱᓕᕆᕝᕕᖕᒥ ᐱᓕᕆᔪᑦ, ᑕᒻᒪᖅᑐᓄᑦ ᐅᖃᖅᑐᑦ (ᐃᓛᓐᓂ ᑕᐃᔭᐅᔪᑦ “crash dimps”ᑐᑦ), ᐊᑐᖅᑕᕕᓪᓗ ᐋᖅᑭᒃᓯᒪᓂᖏᑦ).
- ᑭᓱᓕᕆᔾᔪᑎᒧᑦ ᖃᐅᔨᒪᔭᐅᔪᑦ: ᑲᑎᖅᓱᐃᓲᖑᔪᒍᑦ ᑭᓱᓕᕆᔾᔪᑎᒧᑦ ᖃᐅᔨᒪᔭᐅᔪᓂᒃ ᓲᕐᓗᑐᑦ ᖃᕋᓴᐅᔭᐃᑦ, ᑕᓚᕘᑦ, ᖃᕋᓴᐅᔭᕋᓛᑦ, ᐊᓯᓘᓐᓃᑦ ᐊᑐᖅᑕᐃᑦ ᑕᑯᓇᒍᑎᒋᓪᓗᒍ ᐱᔨᑦᑎᕋᕐᓂᕐᓂᒃ. ᒪᓕᒡᓗᒍ ᐊᑐᖅᑕᐃᑦ, ᑖᒃᑯᐊ ᐊᑐᖅᑕᕐᓄᑦ ᖃᐅᔨᒪᔭᐅᔪᑦ ᐱᖃᓯᐅᔾᔨᔪᓐᓇᖅᑐᑦ ᖃᐅᔨᒪᔭᐅᔪᓂᒃ ᓲᕐᓗᑐᑦ ᐃᓐᑐᓂᐊᑦᕈᑎᕕᑦ ᑐᕌᕈᑎᖓ (ᐊᓯᐊᓘᓐᓃᑦ ᐃᓐᑐᓂᐊᕈᑎᒋᔭᐃᑦ), ᑭᓱᓕᕆᔾᔪᑎᒧᑦ ᐊᑐᖅᑐᓄᓪᓗ ᓇᓗᓇᐃᖅᓯᔾᔪᑏᑦ ᓇᐃᓴᐅᑏᑦ, ᓇᓃᓐᓃᑦ, ᑭᓱᒧᑦ ᑕᑯᓇᒍᑎᖃᕐᒪᖔᖅᐱᑦ, ᐊᑐᖅᑕᕕᑦ ᓴᓇᓯᒪᓂᖓᑕ ᖃᓄᐃᑦᑑᓂᖓ, ᐃᓐᑐᓂᐊᑦᑯᑦ ᑕᐅᑐᒍᓐᓇᕈᑏᑦ ᐊᒻᒪᓗ ᐅᕝᕙᓘᓐᓃᑦ ᑕᓚᕘᕋᓛᓄᑦ ᐊᔪᙱᑎᑦᑎᔪᖅ, ᐊᐅᓚᔾᔪᓯᖏᑦ ᐊᑐᖅᑕᕕᑦ ᐊᑐᖅᑕᕕᓪᓗ ᐊᐅᓚᔾᔪᓯᖏᑕ ᐋᖅᑭᒃᓯᒪᓂᖏᑦ.
- ᓇᓃᓐᓂᕐᓄᑦ ᖃᐅᔨᒪᔭᐅᔪᑦ: ᑲᑎᖅᓱᐃᓲᖑᔪᒍᑦ ᓇᓃᓐᓂᕐᓄᑦ ᖃᐅᔨᒪᔭᐅᔪᓂᒃ ᓲᕐᓗᑐᑦ ᑭᓱᓕᕆᔾᔪᑎᕕᑦ ᓇᓃᓐᓂᖓᓂᒃ, ᓇᓕᖅᑯᑦᑎᑦᑎᐊᕈᓐᓇᖅᖢᑎᒃ ᓇᓕᖅᑯᑦᑎᑦᑎᐊᖏᓪᓗᑎᒡᓘᓐᓃᑦ. ᖃᓄᑎᒋ ᖃᐅᔨᒪᔭᐅᔪᓂᒃ ᑲᑎᖅᓱᐃᖕᒪᖔᑦᑕ ᑐᙵᔪᖅ ᑭᓱᓄᑦ ᐊᑐᕐᒪᖔᑕ ᐋᖅᑭᒃᓯᒪᓂᖏᓐᓄᓪᓗ ᐊᑐᖅᑕᕐᓄᑦ ᑕᑯᔾᔪᑎᒋᓪᓗᒍ ᐱᔨᑦᑎᕋᕐᓂᕐᓂᒃ. ᓲᕐᓗᑐᑦ, ᐊᑐᕈᓐᓇᖅᑐᒍᑦ ᑕᒻᒪᕇᒃᑯᑕᓂᒃ ᐊᓯᓂᒡᓗ ᓴᓇᐅᒐᓂᒃ ᑲᑎᖅᓱᐃᔾᔪᑎᒋᓪᓗᑎᒍᑦ ᓄᓇᓂᑦ ᖃᐅᔨᒪᔭᐅᔪᓂᒃ ᐊᔪᕆᖅᓱᐃᔪᓂᒃ ᒫᓐᓇᐅᔪᖅ ᓇᓃᓐᓂᕐᓂᒃ (ᑐᙵᓪᓗᓂ ᐃᓐᑐᓂᐊᑦᑯᑦ ᑕᑯᓇᒍᓐᓇᐅᑎᖕᓄᑦ). ᐋᒃᑳᕈᓐᓇᖅᐳᑎᑦ ᑲᑎᖅᓱᐃᖏᓪᓗᑕ ᑖᒃᑯᓂᖓ ᖃᐅᔨᒪᔭᐅᔪᓂᒃ ᑕᑯᖁᔨᖏᓪᓗᑎᑦ ᖃᐅᔨᒪᔭᐅᔪᓂᒃ ᐊᑐᕈᓐᓃᖅᑎᓪᓗᒍᓘᓐᓃᑦ ᓇᓃᓐᓂᕐᓄᑦ ᓇᓗᓇᐃᖅᓯᔪᖅ ᐊᑐᖅᑕᕐᓂ. ᑭᓯᐊᓂ, ᐋᒃᑳᕈᕕᑦ, ᐊᑐᕈᓐᓇᙱᑐᐃᓐᓇᕆᐊᖃᖅᑐᑎᑦ ᓇᓕᐊᓪᓗᐊᓂᒃ ᖃᓄᐃᓕᐅᕈᑎᓂᒃ ᐱᔨᑦᑎᕋᕐᓂᕐᓂᑦ.
ᖃᐅᔨᒪᔭᐅᔪᑦ ᑲᑎᖅᓱᖅᑕᔪᑦ ᐊᓯᓂᑦ
ᓇᐃᓈᕐᓗᒍ: ᑲᑎᖅᓱᐃᑐᐃᓐᓇᕆᐊᖃᖅᑐᒍᑦ ᖃᐅᔨᒪᔭᐅᔪᑦ ᐃᓚᖏᓐᓂᒃ ᐃᓄᓕᒫᓕᕆᔪᓂᑦ ᑐᖅᑯᖅᓯᒪᔪᓂᑦ, ᓂᐅᕕᖁᔨᔨᓂᑦ ᐱᓕᕆᖃᑎᑦᑎᓐᓂᑦ, ᐊᓯᓂᓪᓗ ᓯᓚᑦᑎᓐᓂᑦ ᑐᓴᕐᕕᒋᔭᑦᑎᓐᓂᑦ.
Iᐱᐅᓯᒋᐊᖁᓪᓗᒋᑦ ᐱᔪᓐᓇᕐᓂᕗᑦ ᐊᑐᖅᑐᓂᒃ ᓂᐅᕕᐊᒃᓴᖃᕐᓂᕐᓄᑦ, ᐊᑐᐃᓐᓇᐅᑎᑎᑦᑦᓂᓂᕐᓄᑦ ᐱᔩᑎᕋᕐᓂᕐᓄᓪᓗ ᐃᓕᖕᓄᑦ ᓄᑖᕈᕆᐊᕐᓗᒋᓪᓗ ᐳᐃᒍᔾᔭᐃᖅᓯᒪᔭᕗᑦ, ᐱᑐᐃᓐᓇᕆᐊᖃᖅᑐᒍᑦ ᖃᐅᔨᒪᔭᐅᔪᓂᒃ ᐃᓕᖕᓂᑦ ᐊᓯᓂᑦ ᑐᓴᕐᕕᑦᑎᓐᓂᑦ, ᓲᕐᓗᑐᑦ ᐃᓄᓕᒫᓄᑦ ᑐᖅᑯᖅᓯᒪᔪᓂᑦ, ᑲᑐᔾᔨᔪᓂᑦ ᓂᐅᕕᐊᒃᓴᖃᕐᓂᕐᓄᑦ ᐱᓕᕆᖃᑎᑦᑎᓐᓂᑦ, ᐊᒃᑐᐊᔪᓂᑦ ᐱᓕᕆᓂᕐᓂᑦ, ᖃᐅᔨᒪᔭᐅᔪᓂᒃ ᐱᑎᑦᑎᓲᓂᑦ, ᐊᓯᓂᓪᓗ ᓯᓚᑎᑦᑎᓐᓂᑦ ᖃᐅᔨᒪᔪᓂᑦ. ᑖᒃᑯᐊ ᖃᐅᔨᒪᔭᐅᔪᑦ ᐱᖃᓯᐅᔾᔨᔪᑦ ᑎᑎᕋᑎᒍᑦ ᑐᕌᕈᑎᓂᒃ, ᐃᖅᑲᓇᐃᔮᓄᑦ ᐊᑏᑦ, ᖃᕋᓴᐅᔭᒃᑯᑦ ᑐᕌᕈᑎᓂᒃ, ᑕᓚᕘᑉ ᓇᐃᓴᐅᑎᖏᓐᓂᒃ ᐱᔮᕆᔭᕐᓂᑦ ᖃᐅᔨᔭᐅᔪᑦ (ᐊᑐᖅᑑᓪᓘᓐᓃᑦ ᐱᖅᑯᓯᖏᓐᓄᑦ ᖃᐅᔨᔭᐅᔪᑦ), ᐃᓐᑐᓂᐊᑦᑯᑦ (IP) ᑐᕌᕈᑏᑦ, ᐃᓅᖃᑎᒌᓄᑦ ᑭᓇᐅᓂᕐᓄᑦ ᐋᖅᑭᒃᓯᒪᔪᑦ, ᐃᓅᖃᑎᒌᖕᓄᑦ ᑕᑯᔭᒃᓴᓄᑦ ᑐᕌᕈᑎᖏᑦ ᐋᖅᑭᒃᓯᒪᔪᓪᓗ ᑭᓇᐅᓃᑦ, ᐊᑑᑎᖏᓐᓄᑦ ᑐᕌᖅᑎᑦᑎᔪᓄᑦ ᓂᐅᕕᐊᒃᓴᒃᓴᕐᓂᒃ ᓴᖅᑭᔮᖅᑎᑦᑎᓂᕐᓄᑦ ᖃᓄᐃᑦᑐᓂᒡᓗ ᑐᓴᖅᑎᑦᑎᓂᕐᓄᑦ.
- ᖃᓄᖅ ᐊᑐᖅᐸᕗᑦ ᐃᓕᖕᓅᖓᔪᑦ?
ᓇᐃᓈᕐᓗᒍ:: ᐊᑐᓲᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑐᓂᓪᓗᒋᑦ, ᐱᐅᓯᒋᐊᕈᑎᒋᓪᓗᒋᑦ ᐊᐅᓚᔾᔪᑎᒋᓪᓗᑎᒍᓪᓗ ᐱᔨᑦᑎᕋᕐᓂᑦᑎᓐᓂᒃ, ᐅᖃᖃᑎᒋᔾᔪᑎᒋᓪᓗᒋᑦ ᐃᓕᖕᓄᑦ, ᑲᑉᐱᐊᓇᖏᑦᑐᒦᓐᓂᕐᓄᑦ ᐱᕋᔭᒃᑕᐅᔾᔭᐃᕐᓂᕐᓄᓪᓗ, ᒪᓕᒍᑎᒋᓪᓗᒋᓪᓗ ᐱᖁᔭᕐᔪᐊᒥᒃ. ᐊᑐᑐᐃᓐᓇᕆᐊᖃᖅᑕᕗᑕᐅᖅ ᐃᓕᖕᓅᖓᔪᑦ ᐊᓯᓄᑦ ᐱᓕᕆᔪᓄᑦ ᐊᖏᕐᓗᑎᑦ.
ᐊᑐᓲᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᔾᔩᖏᑦᑐᓄᑦ ᐱᔾᔾᔪᑎᓄᑦ, ᒪᓕᒡᓗᒍ ᖃᓄᖅ ᐱᓕᕆᖕᒪᖔᖅᐱᑦ ᐱᔨᑦᑎᕋᕐᓂᑦᑎᓐᓄᑦ, ᐱᕿᐊᓯᐅᓪᓗᒋᑦ ᐅᑯᐊ:
- ᑐᓂᓯᓗᑕ ᐊᐅᓚᔾᔭᒍᑕᐅᓗᓂᓗ ᑐᓂᓯᓂᕐᓂᒃ ᐱᔨᑦᑎᕋᕐᓂᕐᓂᒃ ᐊᑐᖅᑐᒧᑦ, ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑐᓂᓯᓇᓱᒡᓗᑕ ᑐᒃᓯᖃᖅᑕᕐᓄᑦ ᐱᔨᑦᑎᕋᕐᓂᕐᓄᑦ.
- ᖃᓗᐃᒋᐊᕈᑎᒋᓗᒋᑦ ᐊᑐᖅᑐᓄᑦ ᐊᐱᖅᑯᑎᓄᒃ/ᐃᑲᔪᕈᒪᓗᓂ ᐊᑐᖅᑐᓂᒃ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑭᐅᔾᔪᑎᒋᓗᒋᑦ ᐊᐱᖅᑯᑎᖕᓄᑦ ᐋᖅᑭᒍᑎᒋᓗᒋᓪᓗ ᐊᑲᐅᙱᓕᐅᕈᑎᐅᑐᐃᓐᓇᕆᐊᓕᖕᓂᒃ ᑐᒃᓯᕋᖅᑕᕐᓄᑦ ᐱᔨᑦᑎᕋᕐᓂᕐᓄᑦ.
- ᓇᒃᓯᐅᔾᔨᔾᔪᑎᒋᓗᒋᑦ ᐊᐅᓚᑦᑎᓂᕐᓄᑦ ᖃᐅᔨᒪᔭᐅᔪᓂᒃ ᐃᓕᖕᓄᑦ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᓇᖃᓄᐃᓕᖓᓂᕐᓂᒃ ᐱᖁᑎᑦᑎᓐᓄᑦ ᐱᔨᑦᑎᕋᕐᓂᕐᓄᑦ, ᐊᓯᔾᔨᖅᑐᓄᑦ ᒪᓕᒋᐊᓕᑦᑎᓐᓂ ᐊᑐᐊᒐᑎᑦᑎᓐᓂᓗ, ᐊᓯᓄᓪᓗ ᐊᔾᔨᐸᓗᖏᓐᓄᑦ ᖃᐅᔨᒪᔭᐅᔪᓄᑦ.
- ᓈᒻᒪᒃᓯᑎᓪᓗᒋᑦ ᐊᐅᓚᓪᓗᒋᓪᓗ ᑎᑭᓵᑎᑦ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᓈᒻᒪᒃᓯᔾᔪᑎᒋᓗᒋᑦ ᐊᐅᓚᓪᓗᒋᓪᓗ ᑎᑭᓵᑎᑦ, ᐊᑭᓕᐅᑎᑎᑦ, ᐅᑎᖅᑎᑕᑎᑦ ᐊᓯᔾᔨᖅᑕᑎᓪᓗ ᐱᔨᑦᑎᕋᕐᓂᒃᑯᑦ.
- ᑐᑭᓯᕋᐅᑎᒋᓗᒋᑦ ᑐᓴᕈᒪᔭᑦᑎᓐᓂᒃ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑕᐃᒪᐃᑦᑕᕆᐊᖃᕌᖓᑕ ᑐᓴᕈᒪᓗᑕ ᐅᖃᐅᓯᕐᓂᒃ ᐅᖃᖃᑎᒋᓗᑎᓪᓗ ᐊᑐᖅᑕᕐᓄᑦ ᐱᔨᑦᑎᕋᖅᑕᑦᑎᓐᓂᑦ.
- ᓇᒃᓯᐅᔾᔨᓗᑕ ᓂᐅᕕᐊᒃᓴᖃᕐᓂᕐᓄᑦ ᑐᓴᖅᑎᑦᑎᓂᕐᓄᓪᓗ ᐅᖃᖃᑎᒌᖕᓂᕐᓄᑦ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᓇᒃᓯᐅᔾᔭᑎᑦ ᐅᕙᑦᑎᓐᓄᑦ ᓂᐅᕕᐊᒃᓴᖃᕋᓱᖕᓂᕐᓄᑦ, ᒪᓕᒃᑯᑎᒃ ᓂᐅᕕᐊᒃᓴᕐᓄᑦ ᐱᐅᒋᓂᖅᓴᕐᓄᑦ. ᐱᖃᑦᑕᕈᒪᖏᑦᑐᓐᓇᖅᑐᑎᑦ ᓂᐅᕕᐊᒃᓴᓄᑦ ᑎᑎᕋᑦᑎᓐᓂᒃ ᖃᖓᑐᐃᓐᓇᑦᑎᐊᒃᑯᑦ.
- ᑐᕌᖓᔪᓂᒃ ᓂᐅᒃᓯᐊᒃᓴᒃᓴᕐᓂᒃ ᐃᓕᖕᓄᑦ. ᐊᑐᑐᐃᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᓴᓇᔾᔪᑎᒋᓗᒋᑦ ᓴᖅᑭᔮᖅᑎᓪᓗᒋᓪᓗ ᐃᓕᖕᓅᖓᔪᓂᒃ ᓂᐅᕕᐊᒃᓴᓂᒡᓗ ᐋᖅᑭᒃᓯᒪᔪᕐᓄᑦ ᐱᐅᒋᔭᕐᓄᑦ, ᓇᓃᓐᓂᕐᓄᑦ ᐊᓯᓄᓪᓗ.
- ᓴᖅᑭᑦᑎᔾᔪᑎᒋᓗᒋᑦ ᐅᖃᐅᓯᕆᔭᐅᔪᓂᒃ. ᓴᖅᑭᑦᑎᖃᑦᑕᖅᑐᒍᑦ ᐅᖃᐅᓯᕆᔭᐅᔪᓂᒃ ᐱᔨᑦᑎᕋᖅᑕᑦᑎᓐᓄᑦ ᐱᑕᖃᑐᐃᓐᓇᕆᐊᓕᖕᓂᒃ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ.
- ᐊᐅᓚᔾᔪᑎᒋᓗᒋᑦ ᐊᒧᔭᒃᓴᓄᑦ ᐊᑭᑦᑐᕋᐅᑎᔪᓄᓪᓗ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᐅᓚᑦᑎᔾᔪᑎᒋᓗᐃᒡᑦ ᐊᒧᔭᒃᓴᓂᒃ ᐊᑭᑦᑐᕋᐅᑎᓂᕐᓂᒡᓗ.
- ᓇᓗᓇᐃᕈᑎᒋᓗᒋᑦ ᐊᑐᕐᓂᕐᓄᑦ ᖃᓄᐃᑉᐸᓪᓕᐊᔪᓂᒃ. ᐊᑐᑐᐃᓐᓇᕆᐊᖃᖅᑐᒍᑦ ᖃᐅᔨᒪᔭᐅᔪᓂᒃ ᖃᓄᖅ ᐊᑐᖃᑦᑕᕐᒪᖔᖅᐱᒋᑦ ᐱᔨᑦᑎᕋᕐᓂᕗᑦ ᑐᑭᓯᑦᑎᐊᕈᑎᒋᓗᒋᑦ ᖃᓄᖅ ᐊᑐᖅᑕᐅᖕᒪᖔᑕ ᐱᐅᓯᒋᐊᕈᓐᓇᕐᓂᐊᕋᑦᑎᒍᑦ.
- ᖃᐅᔨᓇᓱᒡᓗᒋᑦ ᐱᓕᕆᑦᑎᐊᕐᓂᖏᑦ ᓂᐅᕕᐊᒃᓴᖃᕋᓱᖕᓂᑦᑕ ᑐᓴᒐᒃᓴᓄᓪᓗ ᓇᒃᓯᐅᔾᔭᑦᑎᓐᓄᑦ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑐᑭᓯᑦᑎᐊᕈᑎᒋᓗᒋᑦ ᖃᓄᖅ ᑐᓂᓯᔭᕆᐊᒃᓴᖅ ᓂᐅᕕᐊᒃᓴᒃᓴᓂᒃ ᑐᓴᖅᑕᐅᖁᔭᑦᑎᓐᓂᒡᓗ ᐃᓕᖕᓄᑦ ᐊᑐᓗᐊᖅᑐᓂᒃ.
- ᒪᓕᒍᑎᒋᓗᒋᑦ ᐱᖁᔭᑎᒍᑦ ᐊᖏᖅᓯᒪᔭᑦᑎᓐᓄᑦ. ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᒪᓕᒍᑎᒋᓗᒋᑦ ᐱᖁᔭᑎᒍᑦ ᐱᓕᕆᔭᒃᓴᑦᑎᓐᓄᑦ, ᑭᐅᔾᔨᑎᒋᓗᒋᑦ ᐱᖁᔭᑎᒍᑦ ᑐᒃᓯᕋᖅᑐᓄᑦ, ᐊᑐᕈᑎᒋᓗᒋᑦ, ᐋᖅᑭᒃᓯᔾᔪᑎᒋᓗᒋᑦ ᓴᐳᑎᓗᒋᓪᓘᓐᓃᑦ ᐱᖁᔭᑎᒍᑦ ᐱᔪᓐᓇᐅᑎᕗᑦ.
- ᑭᓱᓄᑦ ᐱᖁᔭᑎᒍᑦ ᑐᙵᕕᖕᓂᒃ ᑐᙵᕕᖃᖅᐱᑕ ᐊᑐᕋᓱᒡᓗᒋᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
ᓇᐃᓐᓇᕐᓗᒍ: ᐊᑐᑐᐃᓐᓇᕆᓲᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐅᒃᐱᕈᓱᒑᖓᑦᑕ ᑕᐃᒪᑦᑕᕆᐊᖃᕋᓱᒋᓪᓗᒍ ᐱᖁᔭᑎᒍᓪᓗ ᐊᑑᑎᖃᕈᑦᑕ (ᓲᕐᓗᑐᑦ, ᐱᖁᔭᑎᒍᑦ) ᑕᐃᒪᐃᖁᓗᑕ ᐊᑐᖅᑐᑦ ᐃᓗᐊᓂ ᐱᖁᔭᕐᔪᐊᑦ, ᓲᕐᓗᑐᑦ ᐊᖏᕈᑎᒃᑎᑐᑦ, ᒪᓕᒡᓗᒐ ᐱᖁᔭᕐᔪᐊᓄᑦ ᐱᔨᑦᑎᕋᕐᓂᕐᓂᒡᓗ ᐊᑐᐃᓐᓇᐅᑎᑦᑎᓗᑕ ᓈᒻᒪᒃᓯᖁᓪᓗᒋᑦ ᐱᓯᓇᓯᑦᑎᓐᓄᑦ ᐱᔪᒪᔭᑦᑎᓐᓄᑦ.
ᐊᑐᑐᐃᓐᓇᕆᐊᖃᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑐᕌᖓᓪᓗᐊᖅᑐᓄᑦ ᐊᖏᖅᓯᒪᒍᕕᑦ ᐅᕙᑦᑎᓐᓄᑦ (ᓲᕐᓗ, ᐅᖃᕐᓗᑎᑦ ᐊᖏᕐᓂᕐᓂᒃ) ᐊᑐᖁᓗᒋᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᑭᓱᓄᓪᓗᐊᑕᖅ ᐊᑑᑎᓄᑦ, ᖃᓄᐃᑦᑐᓂᓘᓐᓃᑦ ᐊᖏᕈᑏᑦ ᑐᑭᓯᔭᐅᔪᓐᓇᕐᓗᓂ (ᓲᕐᓗ ᖃᐅᔾᒪᔭᐅᔪᖅ ᐊᖏᕐᓂᕐᒥᓂᒃ). ᐊᖏᖏᑦᑐᓐᓇᖅᑐᑎᑦ ᖃᖓᑐᐃᓐᓇᒃᑯᑦ.
ᐃᓚᖏᑎᒍᑦ ᑕᐃᒪᐃᒐᔪᖏᑦᑐᑎᒍᑦ, ᐱᖁᔭᑎᒍᑦ ᐱᔪᓐᓇᖅᑎᑕᐅᔪᓐᓇᖅᑐᒍᑦ ᐊᑐᕐᓗᒋᑦ ᐃᓕᖕᓅᖓᔪᑦ ᐊᖏᖏᓪᓗᑎᑦ, ᐱᖃᓯᐅᓪᓗᒋᑦ, ᐊᔪᕆᖅᓱᐃᔾᔪᑎᑎᑐᑦ:
- ᑲᑎᖅᓱᐃᓂᖅ ᓇᓗᓇᖏᓪᓗᓂ ᐱᔪᒪᔭᐅᒍᓂ ᐃᓄᖕᒧᑦ ᐊᖏᕐᓂᕐᓗ ᕿᒪᒥᒃᑯᑦ ᐱᔭᐅᔪᓐᓇᖏᓪᓗᓂ
- ᖃᐅᔨᓴᕐᓂᕐᓄᑦ ᐱᕋᔭᒃᑐᓂᓪᓗ ᖃᐅᔨᓂᕐᓄᑦ ᐱᕋᔭᒃᑕᐃᓕᒪᑎᑦᑎᓂᕐᓄᓪᓗ
- ᐱᓯᓇᓯᓄᑦ ᓂᐅᕕᖅᑎᑦᑎᓂᕐᓄᑦ ᓇᓕᐊᓪᓗᐊᑕᑦ ᖃᓄᐃᓕᖓᓃᑦ ᖃᓄᐃᓕᖓᒍᑎᒃ
- ᐃᓗᐊᓃᒃᑯᓂ ᑕᑯᓚᐅᖅᑑᑉ ᐅᖃᖅᑕᖏᓐᓂ ᑲᑎᖅᓱᐃᓂᕐᓗ ᐊᑐᕆᐊᖃᕐᓗᓂ ᖃᐅᔨᓴᕋᓱᒡᓗᒋᑦ, ᐱᓕᕆᓗᒋᑦ ᐊᑭᓕᕐᓗᒋᓪᓘᓐᓃᑦ ᓇᓪᓕᐅᒃᑯᒫᑦ ᐱᔭᐅᓇᓱᒃᑐᑦ
- ᓇᓗᓇᐃᕐᓗᒋᑦ ᐋᓐᓂᖅᓯᒪᔪᑦ, ᖃᓂᒪᔪᑦ ᑐᖁᖓᔪᓪᓘᓐᓃᑦ ᐃᓄᐃᑦ ᐅᖃᖃᑎᖃᕐᓂᕐᓄᓪᓗ ᐃᓚᒋᔭᐅᔪᓂᒃ
- ᓈᒻᒪᒃᑐᓂᒃ ᑐᙵᕕᖃᕈᑦᑕ ᐅᒃᐱᕈᓱᒡᓗᑕ ᐃᓄᒃ ᑮᓇᐅᔭᓄᑦ ᐱᕋᔭᒃᑕᐅᓯᒪᒍᓂ, ᐱᕋᔭᒃᑕᐅᒍᓂᓘᓐᓃᑦ
- ᐅᒃᐱᕆᔭᒃᓴᐅᒍᓂ ᑲᑎᖅᓱᐃᓂᖅ ᐊᑐᕐᓂᕐᓗ ᐊᖏᕐᓂᕐᒥᒃ ᐱᐅᔪᓐᓃᖅᑎᑦᑎᒐᔭᕈᓂ ᐊᑐᐃᓐᓇᐅᓂᖏᓐᓂᒃ ᓱᓕᓂᖏᓐᓂᒡᓗ ᖃᐅᔨᒪᔭᐅᔪᓂᒃ ᑲᑎᖅᓱᐃᓂᕐᓗ ᓈᒻᒪᒃᐸᑦ ᐊᑑᑎᓄᑦ ᐊᒃᑐᐊᔪᓄᑦ ᖃᐅᔨᓴᖅᑐᓄᑦ ᓱᕋᐃᔪᒥᒃ ᐊᖏᕈᑎᒥᒃ ᒪᓕᖏᑦᑐᒥᒡᓘᓐᓃᑦ ᐱᖁᔭᕐᔪᐊᖏᓐᓂᒃ ᑲᓇᑕᐅᑉ ᐊᕕᒃᓯᒪᔫᓪᓘᓐᓃᑦ.
- ᐅᖃᕆᐊᖃᕈᑎᒃ ᒪᓕᖁᓪᓗᒋᑦ ᖃᐃᖁᔨᔪᒧᑦ ᐃᖅᑲᖅᑐᐃᕕᖕᒧᑦ, ᑎᒍᔭᐅᖁᔨᔪᒧᑦ, ᐃᖅᑲᖅᑐᐃᔨᓂᑦ ᑎᓕᐅᕈᑎᒥᒃ, ᒪᓕᒐᓄᓪᓘᓐᓃᑦ ᐃᖅᑲᖅᑐᐃᔨᓂᑦ ᐊᒃᑐᐊᔪᓄᑦ ᓴᓇᔭᐅᓂᖏᓐᓄᑦ ᐳᐃᒍᔾᔭᐃᖅᓯᒪᔪᑦ.
- ᓴᓇᔭᐅᒍᓂ ᐃᓄᖕᒧᑦ ᐃᖅᑲᓇᐃᔭᕐᓂᕐᒥᓂ, ᐱᓯᓇᓯᒥᓄᑦ, ᐱᓕᕆᐊᒥᓄᓪᓘᓐᓃᑦ ᑲᑎᖅᓱᐃᓂᕐᓗ ᒪᓕᒃᑯᓂ ᐊᑑᑎᓄᑦ ᖃᐅᔨᒪᔭᐅᔪᑦ ᓴᓇᔭᐅᔾᔪᑎᒋᓚᐅᖅᑕᖏᓐᓄᑦ
- ᑲᑎᖅᓱᐃᓂᖅ ᐊᑑᑎᖃᑐᐊᕐᓗᓂ ᐱᕙᓪᓕᐊᔪᓄᑦ, ᑭᓱᓕᐅᕐᓂᕐᓄᑦ ᑎᑎᕋᓕᐊᒃᓴᓄᓪᓘᓐᓃᑦ
- ᖃᐅᔨᒪᔭᐅᔪᑦ ᐃᓄᓕᒫᓄᑦ ᐊᑐᐃᓐᓇᐅᒍᑎᒃ ᓇᓗᓇᐃᖅᑕᐅᓗᓂᓗ ᒪᓕᒐᓄᑦ
- ᖃᖓ ᑭᓇᒧᓪᓗ ᐅᖃᐅᓯᕆᕙᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
ᓇᐃᓈᕐᓗᒍ: ᐅᖃᐅᓯᖃᑐᐃᓐᓇᕆᐊᖃᖅᐳᒍᑦ ᖃᐅᔨᒪᔭᐅᔪᓂᒃ ᓇᓕᐊᓪᓗᐊᑕᓂ ᖃᓄᐃᑦᑐᓂ ᐅᖃᐅᓯᕆᔭᐅᔪᓄᑦ ᑕᕝᕙᓂ ᐊᒻᒪᓗ ᐅᕝᕙᓘᓐᓃᑦ ᐅᑯᓄᖓ ᓯᓚᑦᑎᑦᑎᓐᓃᑦᑐᓄᑦ.
ᐅᖃᐅᓯᕆᔭᕆᐊᖃᑐᐃᓐᓇᕆᐊᓕᕗᑦ ᐃᓗᖕᓅᖓᔪᑦ ᖃᐅᔨᒪᔭᐅᔪᑦ ᑲᒃᑯᓇᓂ ᖃᓄᐃᑦᑐᓂ:
- ᐱᓯᓇᓯᓄᑦ ᐊᓯᓄᐊᖅᓯᓂᕐᓄᑦ. ᐅᖃᐅᓯᕆᔪᓐᓇᖅᑕᕗᑦ ᐊᓯᐊᓄᐊᕐᓗᒋᓪᓘᓐᓃᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᑕᒍᓂ, ᐊᖏᖃᑎᒌᒐᓱᓕᕈᑎᒡᓘᓐᓃᑦ, ᓇᓕᐊᑐᐃᓐᓇᓄᑦ ᑲᑎᓐᓂᕐᓄᑦ, ᓂᐅᕐᕈᑕᓄᑦ ᑲᒻᐸᓂᐅᑉ ᐱᖁᑎᖏᓐᓄᑦ, ᑮᓇᐅᔭᖃᖅᑎᑦᑎᓂᕐᓄᑦ, ᓂᐅᕕᖅᑕᐅᓂᕐᓄᓪᓘᓐᓃᑦ ᐃᓗᐃᑦᑐᒃᑯᑦ ᐃᓚᐃᓐᓇᒃᑯᓪᓘᓐᓃᑦ ᐱᓯᓇᓯᑦᑕ ᐊᓯᒧᑦ ᑲᒻᐸᓂᒧᑦ.
- ᐊᑐᕌᖓᑦᑕ ᒎᒍᓪ ᖃᐅᔨᓴᕈᑎᓂᒃ. ᐅᖃᐅᓯᕆᔪᓐᓇᖅᐸᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᒎᒍᓪ ᖃᐅᔨᓴᕈᑎᓄᑦ ᒪᓕᒃᐸᓪᓕᐊᓗᒋᑦ ᖃᐅᔨᓴᕐᓗᒋᓪᓗ ᐊᑐᖅᑕᐅᓂᖏᑦ ᐱᔨᑦᑎᕋᕐᓃᑦ. ᒎᒍᓪ ᖃᐅᔨᓴᕈᑏᑦ ᓂᐅᕕᐊᒃᓴᓂᒃ ᓴᖅᑭᔮᕈᑏᑦ ᐊᑐᕈᓐᓇᖅᑕᕗᑦ ᐱᖃᓯᐅᔾᔨᕗᑦ ᐅᑯᓂᖓ: ᒎᒍᓪ ᓴᖅᑭᔮᖅᑐᓄᑦ ᐱᓕᕆᖃᑎᒌᓄᑦ ᐃᓱᒪᒋᔭᕐᒥᓂᒃ ᐅᓂᒃᑳᕐᓃᑦ, ᓂᐅᕕᐊᒃᓴᖃᒃᑲᓐᓂᕐᓃᑦ ᒎᒍᓪ ᖃᐅᔨᓴᕈᑎᓄᑦ ᒎᒍᓪ ᖃᐅᔨᓴᕈᑎᓄᑦ ᓇᓕᐊᖕᓄᑦ ᐊᕐᕌᒍᓕᖕᓄᑦ ᐱᔪᒪᔭᖏᓐᓄᓪᓗ ᐅᖃᐅᓯᖃᕐᓂᕐᓄᑦ. ᐃᓚᐅᔪᒪᖏᓪᓗᓂ ᒪᓕᒃᑕᐅᓂᕐᓄᑦ ᒎᒍᓪ ᖃᐅᔨᓴᕈᑎᓄᑦ ᐱᔨᑦᑎᕋᕐᓂᕐᓄᑦ, ᑕᑯᒍᒃ https://tools.google.com/dlpage/gaoptout. ᐃᓚᐅᖏᑦᑐᓐᓇᖅᑐᑎᑦ ᒎᒍᓪ ᖃᐅᔨᓴᕈᑏᑦ ᓂᐅᕕᐊᒃᓴᓂᒃ ᓴᖅᑭᔮᕈᑎᓂᑦ ᐊᑐᕐᓗᒋᑦ ᓂᐅᕙᒃᓴᓄᑦ ᐋᖅᑭᒃᓯᒪᓂᖏᑦ ᓂᐅᕕᐊᒃᓴᓄᓪᓗ ᐋᖅᑭᒃᓯᒪᓂᖏᑦ ᖃᕋᓴᐅᔭᕋᓛᓄᑦ ᐱᓕᕆᔾᔪᑎᓄᑦ. ᐊᓯᖏᑦ ᐃᓚᐅᔪᒪᖏᔾᔪᑏᑦ ᐱᖃᓯᐅᔾᔨᕗᑦ ᐅᑯᓂᖓ http://optout.networkadvertising.org/ ᐊᒻᒪᓗ http://www.networkadvertising.org/mobile-choice
ᑐᓴᒃᑲᓐᓂᕈᒪᓗᓂ ᐊᓯᓄᑦ ᖃᐅᔨᔭᐅᔭᕆᐊᖃᖏᓐᓂᕐᓄᑦ ᐱᓕᕆᔾᔪᓯᖏᓐᓄᑦ ᒎᒍᓪ, ᑕᑯᒍᒃ ᒎᒍᓪ ᑲᙳᓇᖅᑐᓄᑦ ᒪᓕᒋᐊᓕᖕᓄᓪᓗ ᒪᒃᐱᒐᖓ. - ᐊᑐᕌᖓᑦᑕ ᒎᒍᓪ ᓄᓇᙳᐊᓂᒃ ᐊᐱᓂᒃ. ᐅᖃᐅᓯᕆᔪᓐᓇᖅᐸᕗᑦ ᐃᓕᖕᓅᖓᔪᑦ ᓇᓕᐊᓪᓗᐊᑕᓄᑦ ᒎᒍᓪ ᓄᓇᙳᐊᑦ ᑐᙵᕕᖓᓄᑦ ᐊᐱ (ᓲᕐᓗ, ᒎᒍᓪ ᓄᓇᙳᐊᑦ API, ᓄᓇᐃᑦ API). ᐱᓲᖑᕗᒍᑦ ᑐᖅᑯᖅᖢᒋᓪᓗ ᑕᑯᓇᒍᑎᖕᓄᑦ (“cache”) ᓇᓃᓐᓃᓪᓗ. ᐋᒃᑳᕈᓐᓇᖅᑐᑎᑦ ᖃᖓᑐᐃᓐᓇᖅ ᐅᖃᖃᑎᒋᓗᑎᒍᑦ ᐅᖃᕐᕕᒃᓴᓂ ᑖᔅᓱᒪ ᑎᑎᕋᐅᑉ ᐃᓱᐊᓂ.
- ᐱᓕᕆᖃᑎᕗᑦ. ᐅᖃᐅᓯᕆᔪᓐᓇᖅᐸᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐱᓕᕆᖃᑎᑦᑎᓐᓄᑦ, ᑕᐃᒪᐃᒃᑯᓂ ᑕᐃᒃᑯᐊ ᐱᓕᕇᖃᑎᕗᑦ ᒪᓕᖁᒐᔭᖅᑕᕗᑦ ᑖᒃᑯᓂᖓ ᐊᓯᓄᑦ ᐅᖃᐅᓯᕆᖁᔭᐅᖏᑦᑐᓂᒃ. ᐱᓕᕆᖃᑎᕗᑦ ᐱᖃᓯᐅᔾᔨᕗᑦ ᐊᖓᔪᖅᑳᕗᑦ ᑲᒻᐸᓂ ᓇᓕᐊᑐᐃᓐᓇᓪᓗ ᑎᒥᖁᑎᒋᔭᕗᑦ, ᑲᑐᔾᔨᖃᑎᕗᑦ ᑮᓇᐅᔭᓕᐅᕋᓱᐊᕐᓂᕐᓄᑦ ᐊᓯᓄᓪᓘᓐᓃᑦ ᑲᒻᐸᓂᓄᑦ ᐊᐅᓚᑕᑦᑎᓐᓄᑦ ᐅᕝᕙᓘᓐᓃᑦ ᐊᓯᓄᑦ ᐊᐅᓚᑕᐅᖃᑕᐅᔪᓄᑦ ᐅᕙᑦᑎᓐᓄᑦ.
- ᐱᓯᓇᓯᓄᑦ ᐱᓕᕆᖃᑎᑦᑎᓐᓄᑦ. ᐅᖃᐅᓯᕆᔪᓐᓇᖅᐸᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐱᓯᓇᓯᓄᑦ ᐱᓕᕆᖃᑎᑦᑎᓐᓄᑦ ᐊᑐᐃᓐᓇᐅᑎᑦᑎᓗᑕ ᓇᓕᐊᓪᓗᐊᑕᓂᒃ ᐱᖁᑎᓂᒃ ᐱᔨᑦᑎᕋᕐᓂᕐᓂᒃ ᑐᓴᐅᒪᔭᐅᑎᑦᑕᑎᑦᑎᓐᓂᒡᓘᓐᓃᑦ.
- ᐊᑐᓲᖑᕕᑖ ᖃᕋᓴᐅᔭᒃᑯᑦ ᖃᐅᔨᓴᐅᑎᓂᒃ ᐊᓯᓂᒡᓗ ᐃᓕᖕᓄᑦ ᖃᐅᔨᓴᕈᑎᓂᒃ?
ᓇᐃᓈᕐᓗᒍ: ᐊᑐᓲᖑᔪᒍᑦ ᖃᕋᓴᐅᔭᑎᒍᑦ ᖃᐅᔨᓴᐅᑎᓂᒃ ᐊᓯᓂᒡᓗ ᒪᓕᒍᑎᓂᒃ ᑲᑎᖅᓱᐃᔾᔪᑎᒋᓪᓗᑎᒍᑦ ᑐᖅᑯᕐᓗᒋᓪᓗ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ.
ᐊᑐᓲᖑᔪᒍᑦ ᖃᕋᓴᐅᔭᑎᒍᑦ ᖃᐅᔨᓴᐅᑎᓂᒃ ᐊᔾᔨᐸᓗᖏᓐᓂᒡᓗ ᒪᓕᒍᑎᓂᒃ (ᓲᕐᓗ ᐊᐃᖅᑮᕕᖕᓄᑦ ᖃᐅᔨᒪᔾᔪᑏᑦ ᓴᖅᑭᔮᕈᑎᓂᒡᓗ) ᑕᑯᓗᒋᑦ ᑐᖅᑯᕐᓗᒋᓪᓘᓐᓃᑦ ᖃᐅᔨᒪᔭᐅᔪᑦ. ᓇᓕᐊᓪᓗᐊᑕᓄᑦ ᖃᐅᔨᒪᔭᐅᔪᓄᑦ ᐊᑐᕈᓯᑦᑎᓐᓄᑦ ᑕᐃᒪᐃᑦᑐᓂᒃ ᓴᓇᐅᒐᓂᒃ ᖃᓄᕐᓗ ᐱᔪᒪᖏᑦᑐᓐᓇᕐᒪᖔᖅᐱᑦ ᓇᓕᐊᓪᓗᐊᑕᓂᒃ ᖃᕋᓴᐅᔭᑎᒍᑦ ᖃᐅᔨᓴᐅᑎᓂᒃ ᑎᑎᕋᖅᓯᒪᕗᑦ ᖃᕋᓴᐅᔭᒃᑯᑦ ᖃᐅᔨᓴᐅᑎᓄᑦ ᑐᓴᒐᒃᓴᑦᑎᓐᓂ.
- ᖃᓄᑎᒋᒧᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐱᓯᒪᕙᕗᑦ?
ᓇᐃᓈᕐᓗᒍ: ᐱᓯᒪᓲᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᑯᓂᐅᑎᒍᔪᒧᑦ ᐱᓯᒪᔭᕆᐊᖃᖅᑕᑦᑎᓐᓄᑦ ᓈᒻᒪᒃᓯᔾᔪᑎᒋᓗᒍ ᐊᑑᑎᓄᑦ ᐅᖃᐅᓯᐅᔪᓄᑦ ᐊᓯᓄᑦ ᑐᓴᖅᑕᐅᔭᕆᐊᖃᖏᑦᑐᓄᑦ ᑐᓴᒐᒃᓴᓄᑦ ᑭᓯᐊᓂ ᐱᖁᔭᑎᒍᑦ ᐊᓯᐊᓄᑦ ᒪᓕᖁᔭᐅᒍᑎᒃ ᐱᖁᔭᕐᔪᐊᓄᑦ.
ᐱᓯᒪᓂᐊᖅᑕᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᑯᓂᐅᔭᕆᐊᖃᕐᓂᖏᓐᓄᑦ ᐊᑑᑎᓄᑦ ᐅᖃᐅᓯᐅᔪᓄᑦ ᑕᕝᕙᓂ ᐊᓯᓄᑦ ᑐᓴᖅᑕᐅᔭᕆᐊᖃᖏᑦᑐᓄᑦ ᑐᓴᒐᒃᓴᒥ, ᑭᓯᐊᓂ ᐊᑯᓂᐅᓂᖅᓴᓄᑦ ᐱᓯᒪᔭᕆᐊᖃᕈᑎᒃ ᐱᖁᔭᐅᒍᑎᒡᓘᓐᓃᑦ ᐱᖁᔭᕐᔪᐊᓄᑦ (ᓲᕐᓗᑐᑦ ᑖᒃᓯᓄᑦ ᑮᓇᐅᔭᓕᕆᓂᕐᓄᑦ, ᐊᓯᓄᓪᓗ ᐱᖁᔭᑎᒍᑦ ᒪᓕᒋᐊᓕᖕᓄᑦ).
ᑲᔪᓯᔪᓄᑦ ᐱᖁᔭᓂᒃ ᒪᓕᒃᑐᓂᒃ ᐱᓯᓇᓯᓕᕆᓂᕐᓄᑦ ᐊᑐᕆᐊᖃᕈᓐᓃᕈᑦᑎᒍᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ, ᓱᕋᑦᑎᓂᐊᖅᑕᕗᑦ ᑭᓇᒥᙶᕐᓂᖓᓘᓐᓃᑦ ᓇᓗᓇᖅᓯᑎᓪᓗᒋᑦ ᑕᐃᒪᐃᑦᑐᑦ ᖃᐅᔨᒪᔭᐅᔪᑦ, ᐅᕝᕙᓘᓐᓃᑦ, ᑕᐃᒪᓐᓇ ᐊᔪᕈᓂ (ᓲᕐᓗ, ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᓯᐊᓄᑦ ᑐᖅᑯᖅᑕᐅᒍᑎᒃ), ᑕᕝᕙ ᑮᒃᓯᒪᔪᓄᑦ ᑐᖅᑯᕋᔭᖅᑕᕗᑦ ᐃᓕᖕᓅᖓᔪᑦ ᐊᑐᖅᑕᐅᑎᒃᑲᓐᓂᖏᓪᓗᒋᓪᓗ ᓱᕋᑦᑎᔭᐅᔪᓐᓇᖅᓯᒍᑎᒃ ᑭᓯᐊᓂ.
- ᖃᓄᖅ ᖃᐅᔨᔭᐅᑎᙱᓚᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ?
ᓇᐃᓈᕐᓗᒍ: ᓴᐳᑎᓇᓱᒃᐸᕗᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐱᓕᕆᔾᔪᑎᑎᒍᑦ ᐊᐅᓚᓂᕐᓄᑦ ᐱᑐᐃᓐᓇᐅᖏᑦᑐᓄᓪᓗ ᐱᕋᔭᒃᑕᐅᔾᔭᐃᖅᓯᒪᓂᕐᓄᑦ.
ᐊᑐᓕᖅᑎᑦᑎᔅᒪᕗᒍᑦ ᓈᒻᒪᒃᑐᓂᒃ ᑕᐃᒪᐃᑦᑕᕆᐊᓕᖕᓂᒃ ᖃᓄᐃᓕᖓᕈᓘᔭᖅᑐᓄᑦ ᐸᕐᓇᒃᓯᒪᔪᒃᑯᓪᓗ ᐱᕋᔭᒃᑕᐅᔾᔭᐃᕐᓂᕐᓂᒃ ᐋᖅᑭᒃᓯᒪᔪᑦ ᓴᐳᑎᓂᐊᕋᒥᒋᑦ ᐱᕋᔭᒃᑕᐅᔾᔭᐃᖅᓯᒪᓂᖏᑦ ᓇᓕᐊᑐᐃᓐᓇᑦ ᐃᒻᒥᓅᖓᔪᑦ ᖃᐅᔨᒪᔭᐅᔪᑦ ᐊᑐᖅᑕᑦᑎᓐᓄᑦ. ᑭᓯᐊᓂ, ᓴᐳᔾᔨᓇᓱᒃᑲᓗᐊᖅᑎᓪᓗᑕ ᐱᕋᔭᒃᑕᐅᔾᔭᐃᖅᓯᒪᓇᓱᒃᖢᒋᓪᓗ ᐃᓕᖕᓅᖓᔪᑦ, ᐊᔪᕐᓇᕐᒪᑦ ᖃᕋᓴᐅᔭᒃᑯᑦ ᓇᒃᓯᐅᔾᔨᓗᓂ ᐃᓐᑐᓂᐊᑦᑯᑦ ᖃᐅᔨᒪᔭᐅᔪᓄᓪᓘᓐᓃᑦ ᑐᖅᑯᕐᕕᖕᓄᑦ ᓴᓇᐅᒐᓄᑦ ᐅᖃᕐᓇᖏᒻᒪᑦ 100 ᐳᓴᓐᑦᒧᑦ ᐱᕋᔭᒃᑕᐅᔪᓐᓇᖏᑦᑐᑦ, ᐅᖃᕈᓐᓇᙱᓚᒍᑦ ᑕᐃᒪᐃᓐᓂᐊᕐᓂᕋᐃᓗᑕᓘᓐᓃᑦ ᐃᓵᖅᑏᑦ, ᖃᕋᓴᐅᔭᑎᒍᑦ ᐱᔭᕋᒃᑏᑦ ᐊᓰᓪᓘᓐᓃᑦ ᐱᖁᔭᐅᓯᒪᖏᑦᑐᑦ ᐊᓰᑦ ᓵᓚᖃᔾᔮᖏᒻᒪᑕ ᐱᕋᔭᒃᑕᐅᔾᔭᐃᒃᑯᑎᑦᑎᓐᓂᒃ ᑎᓕᔭᐅᓯᒪᖏᓪᓗᑎᒡᓗ ᑲᑎᖅᓱᐃᓗᑎᒃ, ᑕᑯᓗᑎᒃ, ᑎᒡᓕᒡᓗᑎᒃ, ᐊᓯᔾᔩᓗᑎᒡᓘᓐᓃᑦ ᐃᓕᖕᓅᖓᔪᓂᒃ. ᓴᐳᑎᑦᑎᐊᕋᓱᖕᓂᐊᕋᓗᐊᕐᓗᒋᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ, ᓇᒃᓯᐅᔾᔨᓃᑦ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ ᐱᔨᑦᑎᕋᕐᓂᑦᑎᓐᓄᑦ ᐱᔨᑦᑎᕋᕐᓂᑦᑎᓐᓂᓪᓗ ᐃᓕᖕᓄᑦ ᐅᓗᕆᐊᓇᖅᖢᓂ ᐃᓱᒪᖅᓲᑎᒋᕙᑦ. ᑕᑯᖃᑦᑕᕆᐊᖃᖅᐸᑎᑦ ᐱᔨᑦᑎᕋᕐᓃᑦ ᐱᕋᔭᒃᑕᐅᔪᓐᓇᖏᑦᑐᒃᑯᑦ.
- ᖃᓄᖅ ᖃᐅᔨᒪᔭᐅᔪᓂᒃ ᑲᑎᖅᓴᐃᓲᖑᕕᑕ ᓱᕈᓯᓂᑦ?
ᓇᐃᓈᕐᓗᒍ: ᖃᐅᔨᒪᓗᑕ ᑲᑎᖅᓱᐃᖃᑦᑕᖏᑦᑐᒍᑦ ᖃᐅᔨᒪᔭᐅᔪᓂᒃ ᓂᐅᕕᐊᒃᓴᖃᕋᓱᒡᓗᑕᓘᓐᓃᑦ ᓱᕈᓯᓄᑦ 18ᓂᒃ ᐊᕐᕌᒍᓂᑦ ᓄᑲᖅᖠᓄᑦ.
ᖃᐅᔨᒪᓗᑕ ᑲᑎᖅᓱᐃᖃᑦᑕᖏᑦᑐᒍᑦ ᖃᐅᔨᒪᔭᐅᔪᓂᒃ ᓂᐅᕕᐊᒃᓴᖃᕋᓱᒡᓗᑕᓘᓐᓃᑦ ᓱᕈᓯᓄᑦ 18ᓂᒃ ᐊᕐᕌᒍᓂᑦ ᓄᑲᖅᖠᓄᑦ. ᐊᑐᕈᕕᒋᑦ ᐱᔨᑦᑎᕋᕐᓃᑦ, ᐅᖃᖅᑐᑎᑦ ᑎᒫᓂᐅᖏᑦᑐᖅ 18 ᐊᕐᕌᒍᖃᕋᕕᑦ ᐊᖓᔪᖅᑳᖑᒐᕕᓪᓘᓐᓃᑦ ᐸᖅᑭᔨᐅᓗᑎᓪᓗᓐᓃᑦ ᑕᐃᒪᐃᑦᑐᒧᑦ ᓱᕈᓯᒧᑦ ᐊᖏᕐᓗᑎᓪᓗ ᑕᐃᒪᐃᑦᑐᒧᑦ ᓱᕈᓯᒧᑦ ᐸᖅᑭᔭᐃᑦ ᐊᑐᕈᓐᓇᕐᓂᖓᓄᑦ ᐱᔨᑦᑎᕋᕐᓂᕐᓂᒃ. ᖃᐅᔨᒍᑦᑕ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ ᐊᑐᖅᑐᓂᑦ 18ᓂᒃ ᐊᕐᕌᒍᑦ ᓄᑲᖅᖠᓄᑦ ᑲᑎᖅᓱᖅᑕᐅᓯᒪᔪᓂᒃ, ᐊᔪᓕᖅᑎᓐᓂᐊᖅᑕᕗᑦ ᐱᓕᕆᔪᓐᓇᐅᑎ ᓈᒻᒪᒃᑐᓂᒡᓗ ᖃᓄᐃᒋᐊᕐᓗᑕ ᓱᕋᑦᑎᑲᐅᑎᒋᓗᒋᓪᓗ ᑕᐃᒪᐃᑦᑐᑦ ᖃᐅᔨᒪᔭᐅᔪᑦ ᐳᐃᒍᔾᔭᐃᖅᓯᒪᔭᑦᑎᓐᓂᑦ. ᖃᐅᔨᒍᕕᑦ ᑭᓱᑐᐃᓐᓇᓄᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᐅᑐᐃᓐᓇᕆᐊᖃᕐᓂᖏᓐᓂᒃ ᓱᕈᓯᓂᑦ ᓄᑲᖅᖠᓂᑦ 18ᓂᑦ, ᐅᖃᖃᑎᒋᑎᒍᑦ ᐅᕙᓂ: ᖃᐅᔨᒋᑦ@ibc.com.
- ᖃᓄᐃᓕᖓᕙᑦ ᐊᓯᓄᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᖃᐅᔨᔭᐅᖁᓇᒋᑦ ᐱᔪᓐᓇᐅᑎᑎᑦ?
ᓇᐃᓈᕐᓗᒍ: ᐃᓚᖏᓐᓂ ᓄᓇᓂ ᑲᓇᑕᒥᑎᑐᑦ, ᐱᔪᓐᓇᐅᑎᖃᖅᑐᑎᑦ ᑕᑯᔪᓐᓇᕐᓂᖅᓴᐅᑎᖕᓂᒃ ᐊᐅᓚᓪᓗᒋᓪᓗ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ. ᓄᑖᕈᕆᐊᕈᓐᓇᖅᑕᑎᑦ, ᐊᓯᔾᔨᕐᓗᒋᑦ ᐊᑐᕈᓐᓃᖅᑎᓪᓗᒋᓪᓘᓐᓃᑦ ᐱᓕᕆᔪᓐᓇᐅᑏᑦ ᖃᖓᑐᐃᓐᓇᒃᑯᑦ.
ᐃᓚᖏᓐᓂ ᓄᓇᓂ (ᑲᓇᑕᒥᑎᑐᑦ), ᓇᓕᓪᓗᐊᑕᓂᒃ ᐱᔪᓐᓇᐅᑎᖃᕋᕕᑦ ᐊᑐᖅᑐᓄᑦ ᖃᐅᔨᒪᔭᐅᔪᓄᑦ ᓴᐳᔾᔨᓂᕐᓄᑦ ᐱᖁᔭᕐᔪᐊᓂ. ᑖᒃᑯᐊ ᐱᖃᓯᐅᔾᔨᔪᓐᓇᖅᑐᑦ ᐱᔪᓐᓇᐅᑎᒥᒃ (i) ᑕᑯᔪᒪᓗᑎᑦ ᐊᔾᔨᖏᓐᓂᒡᓗ ᐱᓗᑎᑦ ᐃᒻᒥᓅᖓᔪᓂᒃ ᖃᐅᔨᒪᔭᐅᔪᓂᒃ, (ii) ᐋᖅᑭᒋᐊᖁᓗᒋᑦ ᐲᔭᖅᑕᐅᓗᒋᓪᓘᓐᓃᑦ (iii) ᐊᑐᓗᐊᖁᖏᓪᓗᒋᑦ ᐃᓕᖕᓅᖓᔪᑦ ᖃᐅᔨᔭᐅᔪᑦ ᐊᑐᖅᑕᐅᓂᖏᑦ (iiii) ᐊᑐᕈᓂ, ᖃᐅᔨᒪᔭᐅᔪᑦ ᐊᓯᐊᓄᐊᕈᓐᓇᕐᓗᒋᑦ; ᐊᒻᒪᓗ (v) ᒪᓕᖏᓪᓗᑎᑦ ᐃᒻᒥᓂᒃ ᖃᓄᖅᑑᕈᓐᓇᖅᑎᓯᒪᔪᓄᑦ. ᓇᓕᐊᓪᓗᐊᓂ ᖃᓄᐃᑦᑐᓂ, ᐱᔪᓐᓇᐅᑎᖃᑐᐃᓐᓇᕆᐊᖃᖅᑐᑎᑦ ᓈᒻᒪᒃᓴᖏᓪᓗᑎᑦ ᐊᑐᖅᑕᐅᓂᒡᓂᓐᓄᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ. ᑕᐃᒪᐃᑦᑐᒧᑦ ᑐᒃᓯᕋᕈᓐᓇᖅᑐᑎᑦ ᐅᖃᖃᑎᒋᓗᑎᒍᑦ ᐅᖃᖃᑎᒃᓴᓄᑦ ᓇᓗᓇᐃᖅᓯᒪᔪᑦ ᐊᑐᕐᓗᒋᑦ ᑕᕝᕙᓃᑦᑐᒥ ” HOW CAN YOU CONTACT US ABOUT THIS NOTICE? ” ᑕᑲᓇᓂ.
ᐃᓱᒪᒋᓂᐊᖅᐸᕗᑦ ᐱᒋᐊᕐᓗᑕᓗ ᓇᓕᐊᑐᐃᓐᓇᒧᑦ ᑐᒃᓯᕋᖅᑐᒧᑦ ᒪᓕᒡᓗᒋᑦ ᐊᑐᖅᑐᑦ ᖃᐅᔨᒪᔭᐅᔪᓄᑦ ᓴᐳᔾᔨᓂᕐᓄᑦ ᐱᖁᔭᕐᔪᐊᑦ.
ᐊᖏᕈᓐᓃᖅᑎᓪᓗᒍ ᐊᖏᕐᓃᑦ: ᑐᙵᕕᒋᒍᕕᐅᒃ ᐱᓕᕆᔪᓐᓇᐅᑏᑦ ᐊᑐᕋᓱᒡᓗᒋᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ, ᐊᖏᖅᓯᒪᕙᒌᕋᔭᖅᑐᑦ ᐊᒻᒪᓗ ᐅᕝᕙᓘᓐᓃᑦ ᖃᐅᔨᒪᔭᐅᕙᒌᕐᓗᑎᒃ ᐊᖏᖅᓯᒪᓂᐅᓗᑎᒃ ᒪᓕᒡᓗᒍ ᐊᑐᖅᑐᖅ ᐱᖁᔭᕐᔪᐊᖅ, ᐱᔪᓐᓇᐅᑎᖃᖅᐳᑎᑦ ᐊᖏᕈᓐᓃᕐᓗᒍ ᐊᖏᖅᓯᒪᓃᑦ ᖃᖓᑐᐃᓐᓇᒃᑯᑦ. ᖃᖓᑐᐃᓐᓇᒃᑯᑦ ᐊᖏᕈᓐᓃᕈᓐᓇᖅᐳᑎᑦ ᐅᖃᖃᑎᒋᓗᑎᒍᑦ ᐊᑐᕐᓗᒋᑦ ᐅᖃᖃᑎᒃᓴᓄᑦ ᓇᓗᓇᐃᖅᓯᒪᔪᑦ ᑕᕝᕙᓃᑦᑐᒥ ” HOW CAN YOU CONTACT US ABOUT THIS NOTICE? ” ᑕᑲᓇᓂ.
ᑭᓯᐊᓂ, ᖃᐅᔨᒪᒋᑦ ᑖᓐᓇ ᐊᒃᑐᐃᔾᔮᖏᑦᑐᖅ ᐱᖁᔭᕐᔪᐊᒃᑯᑦ ᐃᓕᓴᕆᔭᐅᓯᒪᓂᖓᓂᒃ ᐊᑐᖅᑕᐅᔪᓄᑦ ᐊᖏᕈᓐᓃᓚᐅᖏᓐᓂᕐᓂ ᐅᕝᕙᓘᓐᓃᑦ, ᐊᑐᖅᑐᑦ ᐱᖁᔭᕐᔪᐊᑦ ᐱᕕᖃᖅᑎᑦᑎᒍᑎᑦ, ᐊᒃᑐᐃᔾᔮᖏᑦᑐᖅ ᐊᑐᖅᑕᐅᓂᖏᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ ᐊᑐᖅᑕᐅᓗᑎᒃ ᑐᙵᔪᓄᑦ ᐱᖁᔭᕐᔪᐊᑎᒍᑦ ᐱᖁᔭᐅᔪᓄᑦ ᐊᑐᕐᓂᕐᓄᑦ ᐊᓯᐊᓂᑦ ᐊᖏᕐᓂᐅᑉ.
ᑐᓴᖃᑦᑕᕈᒪᖏᓪᓗᓂ ᓂᐅᕕᐊᒃᓴᓄᑦ ᑐᓴᒐᒃᓴᓄᑦ ᑐᓴᖅᑎᑦᑎᓂᕐᓂᑦ: ᐱᖃᑦᑕᕈᒪᔪᓐᓃᕈᓐᓇᖅᑐᑎᑦ ᓂᐅᕕᐊᒃᓴᓄᑦ ᑐᓴᒐᒃᓴᓄᓪᓗ ᑐᓴᖅᑎᑦᑎᓂᕐᓂᑦ ᓇᕿᓪᓗᒍ ᐱᖃᑦᑕᕈᒪᖏᑦᑐᓄᑦ ᑐᕌᕈᑎ ᖃᕋᓴᐅᔭᒃᑯᑦ ᑎᑎᕋᑦᑎᓐᓂ, ᐅᖃᖃᑎᒋᓗᑎᒍᓪᓘᓐᓃᑦ ᐊᑐᕐᓗᒋᑦ ᐅᖃᖃᑎᒃᓴᓄᑦ ᓇᓗᓇᐃᖅᓯᒪᔪᑦ ᑕᕝᕙᓃᑦᑐᒥ ” HOW CAN YOU CONTACT US ABOUT THIS NOTICE? ” ᑕᑲᓇᓂ. ᐲᖅᑕᐅᓂᐊᖅᑐᑎᑦ ᓂᐅᕕᐊᒃᓴᓕᕆᔪᓂᑦ. ᑭᓯᐊᓂ, ᐃᓕᖕᓂᒃ ᐅᖃᖃᑎᖃᐃᓐᓇᕈᓐᓇᖅᐳᒍᑦ— ᓲᕐᓗᑐᑦ, ᓇᒃᓯᐅᔾᔨᓗᑕ ᐃᓕᖕᓄᑦ ᐱᔨᑦᑎᕋᕐᓂᕐᓄᑦ ᐊᒃᑐᐊᔪᓂᒃ ᑐᓴᒐᒃᓴᓂᒃ ᐊᑐᕆᐊᓕᖕᓄᑦ ᐊᐅᓚᑦᑎᓂᕐᓄᑦ ᐊᑐᕐᓂᕐᓄᓪᓗ ᐱᓕᕆᔾᔪᓐᓇᐅᑎᖕᓂᒃ, ᑭᐅᓗᑕ ᐱᔨᑦᑎᕋᕐᓂᕐᓄᑦ ᑐᒃᓯᕋᐅᑎᓄᑦ, ᐊᓯᓄᓪᓘᓐᓃᑦ ᓂᐅᕕᐊᒃᓴᓕᕆᖏᑦᑐᓄᑦ ᐱᔾᔪᑎᓄᑦ.
ᖃᕋᓴᐅᔭᒃᑯᑦ ᖃᐅᔨᓴᐅᑏᑦ ᐊᔾᔨᐸᓗᖏᓪᓗ ᓴᓇᐅᒐᐃᑦ: ᐊᑕᖏᑲᓴᒃᑐᑦ ᖃᕋᓴᐅᔭᒃᑯᑦ ᑕᑯᓇᒍᑏᑦ ᐋᖅᑭᒃᓯᒪᕗᑦ ᐱᔪᓐᓇᑲᐅᑎᒋᓗᑎᒃ ᖃᕋᓴᐅᔭᒃᑯᑦ ᖃᐅᔨᓴᐅᑎᓂᒃ. ᐱᐅᒋᓂᖅᓴᕆᒍᕕᐅᒃ, ᐋᖅᑭᒍᓐᓇᖅᑕᐃᑦ ᑕᑯᓇᒍᓐᓇᐅᑏᑦ ᐲᔭᖁᓗᒋᑦ ᖃᕋᓴᐅᔭᒃᑯᑦ ᖃᐅᔨᓴᐅᑏᑦ ᐱᔪᒪᖏᓪᓗᒋᓪᓗ. ᐊᑐᕈᕕᐅᒃ ᐲᖁᓗᒋᑦ ᖃᕋᓴᐅᔭᒃᑯᑦ ᖃᐅᔨᓴᐅᑏᑦ ᐱᔪᒪᖏᓪᓗᒋᓪᓗ, ᑕᐃᒪᓐᓇ ᐊᒃᑐᐃᑐᐃᓐᓇᕆᐊᓕᒃ ᓇᓕᐊᓪᓗᐊᑕᓂᒃ ᐱᓕᕆᔾᔪᓯᕐᓂᒃ ᐱᔨᑦᑎᕋᕐᓂᕐᓂᒡᓘᓐᓃᑦ ᐱᔨᑦᑎᕋᕐᓂᑦᑎᓐᓂᑦ.
ᐊᐱᖅᑯᑎᒃᓴᖃᕈᕕᑦ ᐅᖃᐅᓯᒃᓴᓂᒡᓘᓐᓃᑦ ᐊᓯᓄᑦ ᑐᓴᐅᒪᔭᐅᖏᓐᓂᕐᓄᑦ ᐱᔪᓐᓇᐅᑎᖕᓄᑦ, ᖃᕋᓴᐅᔭᒃᑯᑦ ᑎᑎᑦᕋᕈᓐᓇᖅᑐᑎᑦ ᐅᕙᑦᑎᓐᓄᑦ ᐅᕗᖓ
ᖃᐅᔨᒋᑦ@IBC.com
- ᐊᐅᓚᑦᑎᔾᔪᑏᑦ ᖃᐅᔨᓴᖅᑕᐅᔪᒪᖏᔾᔪᑎᒧᑦ
ᐊᑕᖏᑲᓴᒃᑐᑦ ᐃᓐᑐᓂᐊᑦᑯᑦ ᑕᑯᓇᒍᓐᓇᐅᑏᑦ ᐃᓚᖏᓪᓗ ᖃᕋᓴᐅᔭᕋᓛᑎᒍᑦ ᐊᐅᓚᔾᔪᓰᑦ ᐱᓕᕆᔾᔪᑏᓪᓗ ᐱᖃᕐᒪᑕ ᒪᓕᖏᓪᓗᑎᑦᒥᒃ (“DNT”) ᐱᓕᕆᔾᔪᑎᒥᒃ ᐋᖅᑭᒍᑎᒥᒡᓘᓐᓃᑦ ᐊᑐᓕᖅᑎᑦᑐᓐᓇᖅᑕᕐᓄᑦ ᐅᖃᕈᑎᒋᓗᒍ ᐊᓯᓄᑦ ᑐᓴᖅᑕᐅᔪᒪᖏᔾᔪᑎᖕᓄᑦ ᖃᐅᔨᔭᐅᔪᓄᑦ ᐊᑐᖅᑕᕐᓄᑦ ᐃᓐᑐᓂᐊᑦᑯᑦ ᐱᓕᕆᔭᕐᓂᑦ ᖃᐅᔨᓴᖅᑕᐅᖏᓪᓗᑎᒃ ᑲᑎᖅᓱᖅᑕᐅᖏᓪᓗᑎᒡᓗ. ᒫᓐᓇᐅᔪᖅ ᑭᓱᓕᒫᓄᑦ ᓴᓇᐅᒐᓄᑦ ᐳᖅᑐᓂᕐᒥᒃ ᐃᓕᓴᖅᓯᓂᕐᓄᑦ ᐊᑐᓕᖅᑎᑦᑎᓂᕐᓄᓪᓗ ᒪᓕᖁᔨᖏᑦᑐᓄᑦ ᐱᔭᕇᖅᓯᓯᒪᖏᑦᑐᑦ. ᑕᐃᒪᐃᒻᒪᑦ, ᒫᓐᓇᐅᔪᖅ ᖃᓄᐃᒋᐊᖃᑦᑕᖏᑦᑐᒍᑦ ᒪᓕᖁᔨᖏᑦᑐᓂᒃ ᑕᑯᓇᒍᓐᓇᐅᑎᓂᑦ ᐊᓯᓂᓪᓘᓐᓃᑦ ᐱᓕᕆᔾᔪᑎᓂᑦ ᐅᖃᑲᐅᑎᒋᓲᓄᑦ ᒪᓕᒍᒪᔭᐅᖏᓐᓇᕕᑦ ᐃᓐᑐᓂᐊᑦᑯᑦ. ᐳᖅᑐᓂᖃᓕᕈᑎᒃ ᐃᓐᑐᓂᐊᑦᑯᑦ ᒪᓕᖕᓂᕐᓄᑦ ᐊᑐᓕᖅᑕᐅᓗᓂ ᒪᓕᒋᐊᓕᑦᑎᓐᓂᒃ ᓯᕗᓂᕐᒥ, ᑐᓴᖅᑎᒃᑲᔭᖅᐸᔅᓯ ᑕᐃᒪᐃᓕᐅᕈᓯᖅ ᐋᖅᑭᒋᐊᕈᑕᐅᔪᖅ ᑖᔅᓱᒪᙵᑦ ᐊᓯᓄᑦ ᑐᓴᕈᒪᔭᐅᖏᓐᓂᕐᓄᑦ ᑐᓴᖅᑎᑦᑎᔪᒥᑦ.
- ᓄᑖᕈᕆᐊᖃᑦᑕᖅᐸᕘᑦ ᑖᓐᓇ ᑐᓴᒐᒃᓴᖅ?
ᓇᐃᓈᕐᓗᒍ: ᐄ, ᓄᑖᕈᕆᐊᖃᑦᑕᕐᓂᐊᖅᑕᕗᑦ ᑖᓐᓇ ᑐᓴᒐᒃᓴᖅ ᑕᐃᒪᐃᑦᑕᕆᐊᖃᕌᖓᑦ ᒪᓖᓐᓇᕐᓂᐊᕐᒪᑦ ᐊᑐᖅᑐᓄᑦ ᐱᖁᔭᕐᔪᐊᓄᑦ.
ᓄᑖᕈᕆᐊᑐᐃᓐᓇᕆᐊᖃᖅᑕᕗᑦ ᑖᓐᓇ ᐊᓯᓄᑦ ᑐᓴᐅᒪᔭᐅᔪᒪᖏᓐᓂᕐᓄᑦ ᑐᓴᒐᒃᓴᖅ ᖃᖓᒥᑦ ᖃᖓᒧᑦ. ᓄᑖᕈᖅᓯᒪᔪᖅ ᓇᓗᓇᐃᖅᓯᒪᓗᓂ “Revised” ᐅᓪᓗᐊᓄᑦ ᓄᑖᕈᖅᓯᒪᔪᕐᓗ ᐊᑐᓕᕐᓗᓂ ᐊᑐᒐᒃᓴᐅᓕᑐᐊᕈᓂ. ᐃᓗᐊᓂᑦ ᐊᓯᔾᔩᒍᑦᑕ ᑖᔅᓱᒧᖓ ᐊᓯᓄᑦ ᑐᓴᖅᑕᐅᔪᒪᖓᖏᓐᓂᕐᓄᑦ ᑐᓴᖅᑎᑦᑎᔪᒧᑦ, ᐃᓕᖕᓂᒃ ᑐᓴᖅᑎᔪᓐᓇᖅᐳᒍᑦ ᓴᖅᑭᔮᑦᑎᐊᖅᑐᒃᑯᑦ ᑐᓴᖅᑎᑦᑎᔪᑎᒃᑯᑦ ᑕᐃᒪᐃᑦᑐᓂᒃ ᐊᓯᔾᔨᖅᑐᓂᒃ ᐃᓕᖕᓄᓪᓘᓐᓃᑦ ᓇᒃᓯᐅᔾᔨᑲᐅᑎᒋᓗᑕ ᑐᓴᖅᑎᑦᑎᔪᒥᒃ. ᑎᓕᐅᖅᐸᔅᓯ ᑕᑯᓇᒐᔪᒡᓗᒍ ᑖᓐᓇ ᐊᓯᓄᑦ ᑐᓴᐅᒪᔭᐅᔪᒪᖏᓐᓂᕐᓄᑦ ᑐᓴᖅᑎᑦᑎᔪᖅ ᖃᐅᔨᒪᓂᐊᕋᕕᑦ ᖃᓄᖅ ᓴᐳᑎᖕᒪᖔᑦᑎᒍᑦ ᐃᓕᖕᓅᖓᔪᑦ ᖃᐅᔨᒪᔭᐅᔪᑦ.
- ᖃᓄᖅ ᐅᖃᖃᑎᖃᕈᓐᓇᖅᐱᑦ ᐅᕙᑦᑎᓐᓂᒃ ᑖᖦᓱᒪᐅᑉ ᑐᓴᒐᒃᓴᐅᑉ ᒥᒃᓵᓄᑦ?
ᐊᐱᖅᑯᑎᒃᓴᖃᕈᕕᑦ ᐅᖃᐅᓯᒃᓴᓂᒡᓘᓐᓃᑦ ᑖᔅᓱᒧᖓ ᑐᓴᖅᑎᑦᑎᔾᔪᑎᒧᑦ, ᖃᕋᓴᐅᔭᒃᑯᑦ ᑎᑎᕋᕐᕕᒋᔪᓐᓇᕆᑦᑎᒍᑦ ᐅᕙᓂ info@IBC.com ᐅᕝᕙᓘᓐᓃᑦ ᐅᖃᖃᑎᒋᓗᑎᒍᑦ ᑎᑎᕋᑎᒍᑦ ᐅᕗᖓ:
309 Cooper St
Ottawa, ON K2P 0G5
- ᖃᓄᖅ ᑕᑯᓇᒍᓐᓇᖅᐱᓯᐅᒃ, ᓄᑖᕈᕆᐊᕐᓗᒋᑦ, ᓱᕋᖅᑎᓗᒋᓪᓘᓐᓃᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᐃᓕᖕᓂᑦ?
ᒪᓕᒡᓗᒋᑦ ᐊᑐᖅᑐᑦ ᐱᖁᔭᕐᔪᐊᑦ ᒐᕙᒪᖃᑎᒌᓯᓐᓂ, ᐱᔪᓐᓇᐅᑎᖃᑐᐃᓐᓇᕆᐊᖃᖅᑐᑎᑦ ᑕᑯᔪᒪᓗᒋᑦ ᐃᒻᒥᓅᖓᔪᑦ ᖃᐅᔨᒪᔭᐅᔪᑦ ᑲᑎᖅᓱᖅᑕᕗᑦ ᐃᓕᖕᓂᑦ, ᐊᓯᔾᔨᕐᓗᒋᑦ ᑖᒃᑯᐊ ᖃᐅᔨᒪᔭᐅᔪᑦ, ᓱᕋᑦᑎᓗᒋᓪᓘᓐᓃᑦ. ᑐᒃᓯᕋᕈᒪᓗᓂ ᑕᑯᔪᒪᓗᓂ, ᓄᕌᕈᕆᐊᕆᐊᕈᒪᓗᒋᑦ, ᓱᕋᑦᑎᔪᒪᓗᒋᓪᓘᓐᓃᑦ ᐃᓕᖕᓅᖓᔪᑦ ᖁᐊᔨᒪᔭᐅᔪᑦ, ᐅᑯᐊ ᑎᑎᕋᒃᑭᑦ ᑐᓂᓗᒋᓪᓗ ᖃᐅᔨᒪᔭᐅᓂᑦ ᐅᖃᐅᓯᓕᖕᒥᒃ ᑕᑯᔪᒪᔾᔪᑎᑎᑦ.