ᐃᓄᐃᑦ ᑕᑯᓐᓇᒐᑦᓴᓕᕆᔩᑦ ᒥᒃᓵᓄᑦ
ᑕᑯᓐᓇᕋᑦᓴᓕᕆᔩᑦ (IBC) ᐅᐱᖅᑲᓪᓗᑎᒃ ᓴᓇᓯᒪᕗᑦ ᐃᓕᓴᕆᔭᐅᔾᔪᑎᓂᒃ ᓵᓚᒃᓴᓲᓂᒃ ᑕᕐᕆᔭᓂᒃ ᐃᓄᖕᓂᑦ, ᐃᓄᖕᓄᑦ, ᐊᑐᖅᑕᐅᑎᓪᓗᒋᑦ “ᐃᒐᓛᖅ ᐅᑭᐅᖅᑕᖅᑐᒧᑦ” ᑎᑐᑦ. ᑐᖅᑯᖅᓯᒪᔭᕗᑦ ᐱᑕᓖᑦ 9,000 ᐃᑲᕐᕋᑲᓴᖕᓂᒃ ᐊᓯᔾᔨᖅᑕᐅᔪᓐᓇᖏᑦᑐᓂᒃ ᕿᒪᒃᑕᑦᑎᓐᓂᑦ ᑕᕐᕆᔭᓂᒃ ᐊᔾᔨᓕᐅᒐᓂᒡᓗ-ᐅᐊᑲᓪᓚᐃᑦ ᐊᓐᓂᕐᓇᓪᓚᒃᑐᑦ ᐊᑭᖃᕋᓱᒋᔭᐅᔪᑦ $60 ᒥᓕᐊᓐᓂᒃ. ᐃᑲᔪᖅᑕᐅᖦᖤᑐᐊᕋᑦᑕ ᒐᕙᒪᓂᑦ ᑯᐊᐳᕇᓴᓂᑦ ᑎᒥᓂᓪᓗ ᐅᒃᐱᕈᓱᒃᑐᓂᑦ ᑭᓱᓕᕆᕈᓘᔭᕐᓂᑦᑎᓐᓂᒃ ᐱᓇᓱᐃᓐᓇᕐᓂᑦᑎᓐᓂᒡᓗ, ᐱᓕᕆᓪᓚᒃᑐᒍᑦ ᖃᕋᓴᐅᔭᒃᑯᑦ ᐊᑐᒐᒃᓴᐅᓕᖅᑎᓐᓇᓱᒃᖢᒋᑦ ᐊᔾᔨᒌᓄᐊᖅᑲᕐᓗᒋᓪᓗ ᑖᒃᑯᐊ ᑲᑎᓯᒪᔪᑦ. ᐱᔭᕇᕈᑎᒃ, ᐊᑐᐃᓐᓇᐅᓂᐊᖅᑐᑦ ᐱᓕᕆᖃᑎᒌᑦᑎᓐᓄᑦ, ᖃᐅᔨᓴᖅᑎᓄᑦ ᑕᐅᑐᒃᑐᓄᓪᓗ ᓄᓇᕐᔪᐊᕐᒥᐅᓕᒫᓂᑦ, ᐳᐃᒍᔾᔭᐃᕐᓗᒋᑦ ᐊᓯᓄᓪᓗ ᖃᐅᔨᒪᔭᐅᑎᓪᓗᒋᑦ ᑭᖑᕚᕇᓄᑦ ᐊᒡᒋᖅᑐᓄᑦ.
ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᕿᒪᒃᑕᑦᑎᓐᓂ ᐊᑐᖅᓯᒪᔭᖏᑦ
ᐃᓕᒋᑦ ᐃᓄᐃᑦ ᑕᑯᓐᓇᒐᑦᓴᓕᕆᔩᑦ ᑯᐊᐳᕇᓴᖓᑕ ᕿᒪᒃᑕᑦᑎᓐᓂ ᐊᑐᖅᓯᒪᔭᖏᓐᓂᒃ.
ᐱᓕᕆᐊᒃᓴᑦ ᖃᓄᐃᑕᐅᓇᓱᒃᑐᓪᓗ
ᐳᐃᒍᔾᔭᐃᕐᓗᒋᑦ ᐅᖃᐅᓰᑦ, ᐃᓕᖅᑯᓯᑐᖃᑦ, ᐅᓂᒃᑳᖅᑐᐊᕐᓃᑦ ᐃᓄᐃᓪᓗ ᑭᒡᒐᖅᑐᖅᑕᐅᓂᖏᑦ ᐊᓯᓄᑦ ᑕᑯᔭᒃᓴᓂ.
ᑲᑎᒪᔩᑦ ᐃᖅᑲᓇᐃᔭᖅᑏᓪᓗ
ᐱᓕᕇᓐᓇᖅᑐᑦ ᓯᕗᓕᖅᑏᑦ ᐃᑲᔪᖅᑐᑦ ᐃᓄᐃᑦ ᓂᐱᖏᓐᓂᒃ, ᐃᓕᖅᑯᓯᑐᖃᖏᓐᓂᒃ, ᑕᑯᒃᓴᐅᑎᑦᑎᓂᕐᓂᒡᓗ.
ᐃᖅᑲᓇᐃᔭᕐᓃᑦ
ᐱᕕᒃᓴᑦ ᓄᑭᖃᓕᖅᑎᓪᓗᒋᑦ ᐃᓄᐃᑦ ᐅᓂᒃᑳᖅᑐᐊᕐᓂᖏᑦ ᐱᕙᓪᓕᐊᔪᓕᕆᔪᓂᓗ ᐃᖅᑲᓇᐃᔮᓂ.
ᕿᒪᒃᑕᑦᑎᓐᓂ ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᑕ ᐊᑐᖅᓯᒪᔭᖏᑦ
ᐱᒋᐊᕐᓂᖏᑦ ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᑕ ᐱᒋᐊᖅᓯᒪᔪᑦ 1970ᓂᑦ ᐃᓚᒋᔭᐅᓪᓗᑎᒃ ᒐᕙᒪᑐᖃᓄᑦ ᐊᑭᓕᖅᑕᐅᔪᓄᑦ ᐱᒋᐊᕈᑎᒧᑦ ᑕᐃᔭᐅᔪᒧᑦ ᐃᓄᒃᓱᒃ ᐱᓕᕆᓂᕐᒥᒃ.
ᐱᒋᐊᕐᓂᖓᓂ...
ᐱᒋᐊᕐᓂᖏᓐᓂ 1970ᓂ, ᑕᓚᕖᓴᒐᒃᓴᓂᒃ ᓴᓇᕝᕕᓕᐅᓚᐅᖅᑐᑦ 6ᓂ ᐅᑭᐅᖅᑕᖅᑐᒥᐅᓂ ᓄᓇᓕᖕᓂ, ᐱᓕᕆᖃᑎᒌᓪᓗ ᐃᓄᐃᑦ ᐃᓕᓐᓂᐊᖅᑐᑦ ᐃᓕᓕᓚᐅᖅᐳᑦ ᑕᓚᕖᓴᒐᒃᓴᓂᒃ ᓴᓇᓂᕐᓂᒃ−ᑐᙵᕕᓕᐅᓕᖅᖢᑎᒃ ᑕᐃᒪᐃᑦᑕᕆᐅᖅᑐᒧᑦ.
1980ᙳᖅᑎᓪᓗᒍ, ᐃᓄᒃᓱᒃ ᐱᓕᕆᓂᖅ ᐱᒋᐊᓪᓚᕆᓚᐅᖅᐳᖅ, ᓴᖅᑭᔮᖅᑎᑦᑎᕙᒃᖢᑎᒃ ᐃᖃᓗᖕᓂᑦ ᐊᑐᖅᖢᒍ ᐊᓂᒃ B ᖃᖓᑦᑕᖅᑎᓯᒪᔪᖅ. ᑖᒃᑯᐊ ᑏᕖᑐᐃᓐᓇᐅᓚᐅᖏᑦᑐᑦ; ᐱᕕᒃᓴᐅᓚᐅᖅᑐᑦ ᑕᐃᒪᐃᓯᒪᖏᑦᑐᒧᑦ ᑲᑎᓐᓂᕐᒧᑦ ᐃᓄᖕᓄᑦ ᓄᓇᑦᓯᐊᕐᒥ. 8ᓄᑦ ᑕᖅᑭᓄᑦ, ᐃᓄᐃᑦ ᐃᒻᒥᓂᒃ ᑕᑯᖃᑎᒋᔪᓐᓇᓚᐅᖅᑐᑦ, ᐅᖃᐅᓯᕆᓗᒋᑦ ᐱᕐᔪᐊᑦ ᐊᑲᐅᙱᓕᐅᕈᑏᑦ, ᖃᐅᔨᒪᔭᒥᓂᒡᓗ ᑐᓴᖅᑎᑦᑎᓗᑎᒃ-ᐅᖃᐅᓰᓐᓇᓕᒫᒥᒍᑦ. ᐃᓄᒃᓱᒃ ᐱᓕᕆᓂᖅ ᑕᑯᑎᑦᑎᓚᐅᖅᑐᖅ ᐃᓄᖕᓂᒃ ᑎᒍᓯᔪᓐᓇᕐᓂᖏᓐᓂᒃ ᓴᓇᓯᒪᔪᓂᒃ ᐊᐅᓚᑦᑎᓗᑎᒡᓗ ᓴᖅᑭᔮᒐᒃᓴᓄᑦ ᐱᕆᓂᕐᓂᒃ ᓴᖅᑭᔮᖅᑎᑦᑎᔪᓂᒃ ᐊᔾᔨᐅᖏᑦᑐᓂᒃ ᐃᓕᖅᑯᓯᑐᖃᓂᒃ ᐊᑐᕆᐊᓕᖕᓂᒡᓗ.
ᑲᔪᓯᓂᖓᑦ ᑕᕝᕙᓂ ᓄᖅᑲᓚᐅᖏᑦᑐᖅ…
1981ᒥ, ᑲᓇᑕᒥ ᓈᓚᐅᑎᓄᑦ−ᑕᓚᕖᓴᓄᑦ ᑐᓴᐅᒪᔾᔪᑎᓄᓪᓗ ᑲᑎᒪᔨᖏᑦ (CRTC) ᑐᓂᓯᓚᐅᖅᑐᑦ ᓴᖅᑭᔮᖅᑎᑦᑎᔨᓄᑦ ᑕᓚᕖᓴᓄᑦ ᓚᐃᓴᒥᒃ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄᑦ, ᐃᓂᓕᐅᖅᖢᑎᒃ ᓴᖅᑭᑕᐅᓂᖓᓄᑦ ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᓂᒃ (IBC).
ᔮᓐᓄᐊᕆ 11, 1982ᒥ, 12ᒥ ᐅᓐᓄᐊᙳᑐᐊᕐᒪᑦ, ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᓴᖅᑭᔮᓕᓚᐅᖅᑐᑦ ᑕᓚᕖᓴᒃᑯᑦ ᓯᕗᓪᓕᖅᐹᒧᑦ ᑕᕐᕆᔭᒥᓄᑦ: 90 ᒥᓂᑦᓄᑦ ᑕᑭᓂᓕᒃ ᓴᖅᑭᔮᖅᑐᖅ ᐅᖃᐅᓯᖃᖅᖢᓂ ᑕᓚᕖᓴᒃᑯᑦ ᓴᖅᑭᔮᖅᑎᑦᑎᔨᐅᓕᖅᑐᒥᒃ ᑕᐅᑐᒃᑐᓄᑦ. ᑖᓐᓇ ᑕᓚᕖᓴᖅᑎᑦᑎᓂᑐᐃᓐᓇᐅᓚᐅᖏᑦᑐᖅ-ᐱᒋᐊᕈᑕᐅᓚᐅᖅᑐᖅ ᐊᐅᓚᔾᔭᖕᓂᕐᒧᑦ ᐳᐃᒍᔾᔭᐃᕐᓗᒋᑦ ᖁᕕᐊᓲᑎᒋᓗᒋᓪᓗ ᐃᓄᐃᑦ ᐅᓂᒃᑳᖏᑦ, ᐅᖃᐅᓯᖏᑦ ᐃᓕᖅᑯᓯᑐᖃᖏᓪᓗ ᑕᓚᕖᓴᑦ ᓄᑭᖏᑎᒍᑦ.
ᑕᐃᒃᑯᓇᙵᑦ ᐳᒃᑭᑦᑐᓂᑦ ᐱᒋᐊᕐᓂᕐᓂᑦ, ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᑦ ᐱᕈᖅᓯᒪᔪᖅ ᐊᑑᑎᖃᑦᑎᐊᖅᑐᒧᑦ ᑎᒥᒧᑦ ᐃᓄᖕᓄᑦ ᐅᑭᐅᖅᑕᖅᑐᓕᒫᒥ, ᐅᖃᐅᓯᖃᖅᓗᑎᒃ ᐅᓂᒃᑳᓂᒃ ᐊᑐᖅᑐᓂᒃ ᑲᑎᑎᑦᑎᔪᓂᒡᓗ ᓄᓇᓕᖕᓂᒃ ᐊᑑᑎᖃᖅᑐᑎᒍᑦ ᐱᔾᔪᓯᖅᑎᒍᑦ.
ᐱᓕᕆᐊᒃᓴᑦ ᖃᓄᐃᑕᐅᓇᓱᒃᑐᓪᓗ
ᐃᓄᐃᑦ ᑕᑯᓐᓇᕋᑦᓴᓕᕆᔩᑦ ᑯᐊᐳᕇᓴᖓᓂ, ᓴᓇᓯᒪᔪᓂᒃ ᐊᑐᓲᖑᔪᒍᑦ ᑕᓚᕖᓴᓄᑦ ᓴᖅᑭᔮᕐᓂᐊᖅᑐᓂᒃ ᓴᓇᓪᓗᑕ ᐊᑐᖅᑐᓂᒃ ᐃᓄᖕᓄᑦ− ᑕᐅᑐᒐᒃᓴᑦ ᓇᖕᒥᓂᖅ ᐅᖃᐅᓯᑦᑎᒍᑦ ᐃᓄᒃᑎᑐᑦ. ᑕᐃᒪᐃᖦᖢᑕ, ᐱᓕᕆᓯᒪᕗᒍᑦ ᐅᖓᑖᓄᑦ ᑕᓚᕖᓴᒃᑯᑦ ᓴᖅᑭᔮᕐᓂᐊᖅᑐᑦ ᐱᓇᓱᐊᕈᓯᑕᒫᑦ.
ᖃᓄᐃᓐᓇᓱᒃᑕᕗᑦ
- ᐃᓂᖃᖅᑎᑦᑎᓗᓂ ᐊᑐᒐᒃᓴᒥᒡᓗ ᐃᓄᐃᑦ ᐊᑐᕈᑎᒋᔪᓐᓇᖅᑕᖓᓂᒃ ᐱᔪᓐᓇᐅᑎᒥᓄᑦ ᐃᓱᒪᖅᓱᕐᓗᓂ ᐅᖃᕈᓐᓇᕐᓂᕐᓄᑦ
- ᐃᓕᓴᐃᓗᓂ ᐃᖅᑲᓇᐃᔭᖅᑎᑦᑎᓗᓂᓗ ᐊᓯᓄᑦ ᑕᑯᔭᒃᓴᓕᐅᕐᓂᕐᓂ
- ᐳᐃᒍᔾᔭᐃᕐᓗᒋᑦ, ᓴᙲᒃᑎᒋᐊᕐᓗᒋᑦ, ᐃᓗᐃᑦᑐᕈᕐᓗᒋᑦ ᐅᖃᖃᑎᒋᔪᓐᓇᐅᑕᐅᓗᑎᒡᓗ ᐃᓕᖅᑯᓯᑐᖃᒃᑯᑦ ᐃᓅᓯᒃᑯᓪᓗ ᐃᓄᐃᑦ ᐋᖅᑭᒃᓯᒪᓂᖏᑦ
- ᑐᓴᐅᒪᔭᐅᑎᓪᓗᒋᑦ ᐃᓕᑕᐅᓂᖏᑦ, ᑐᑭᓯᔭᐅᓂᖏᑦ ᖃᐅᑕᒫᓪᓗ ᐊᑐᖅᑕᐅᓂᖏᑦ ᐃᓄᐃᑦ ᐅᖃᐅᓯᖏᑦ
- ᐃᓕᓴᕆᔭᐅᓗᓂ ᐃᓕᓴᕈᑎᑎᑐᑦ ᓱᕈᓯᑦᑎᓐᓂᒃ ᒪᒃᑯᒃᑐᓂᒡᓗ ᐃᓅᓯᒃᑯᑦ ᐃᓕᖅᑯᓯᑐᖃᒃᑯᓪᓗ ᕿᒪᒃᑕᑦᑎᓐᓂ ᖃᓄᐃᓚᐅᖅᑐᓂᒃ ᖃᐅᑕᒫᖅᓯᐅᑎᓕᒡᓗ ᐃᓄᐃᑦ ᐅᖃᐅᓯᖏᑎᒍᑦ.
ᓄᒃᑭᒃᑎᑦᑎᔪᒍᑦ ᐃᓄᐃᑦ ᐅᖃᕈᓐᓇᕐᓂᖏᓐᓂᒃ ᐅᖃᖃᑎᖃᕐᓂᖏᓐᓂᒡᓗ
ᐃᓂᖃᖅᑎᑦᑎᓗᓂ ᐃᓄᐃᑦ ᐊᑐᕈᑎᒋᔪᓐᓇᖅᑕᖓᓂᒃ ᐱᔪᓐᓇᐅᑎᒥᓄᑦ ᐃᓱᒪᖅᓱᕐᓗᓂ ᐅᖃᕈᓐᓇᕐᓂᕐᓄᑦ ᐊᑐᕐᓗᓂᓗ ᐃᓕᖅᑯᓯᑐᖃᓄᑦ ᑐᓴᐅᒪᖃᑎᒌᖕᓂᕐᓄᓪᓗ ᑲᑎᔾᔪᑎᑎᑐᑦ ᑐᓴᐅᒪᑎᑦᑎᓂᕐᓄᑦ ᐃᓱᒪᒋᔭᕐᒥᓂᒃ ᓄᓇᓕᖕᒥᓂ, ᑲᓇᑕᒥ ᓄᓇᕐᔪᐊᕐᒥᓗ ᐊᑲᐅᙱᓕᐅᕈᑎᓄᑦ.
ᐳᐃᒍᔾᔭᐃᖅᑕᕗᑦ ᐃᓗᐃᑦᑐᕈᖅᖢᒋᓪᓗ ᐃᓄᐃᑦ ᐃᓕᖅᑯᓯᑐᖃᖏᑦ ᐅᖃᐅᓯᖏᓪᓗ
ᐳᐃᒍᔾᔭᐃᕐᓗᒋᑦ, ᑐᓴᐅᒪᔭᐅᑎᓪᓗᒋᑦ, ᓴᖏᒃᑎᒋᐊᕐᓗᒋᓪᓗ ᐃᓄᐃᑦ ᐃᓕᖅᑯᓯᑐᖃᒃᑯᑦ ᑭᓇᐅᓂᖏᑦ, ᐅᖃᐅᓯᖏᑦ, ᐅᓂᒃᑳᖅᑐᐊᖏᑦ ᐃᓅᓯᒃᑯᓪᓗ ᐃᓅᓯᑐᖃᖏᑦ ᐱᕈᖅᓴᐃᓂᕐᒥᓂ ᖃᐅᑕᒫᑦ ᐊᑐᖅᑕᐅᓂᖏᓐᓂᒃ ᑐᑭᓯᔭᐅᓂᖏᓐᓂᒡᓗ ᐃᓄᐃᑦ ᐅᖃᐅᓯᖏᑦ.
ᐃᓕᓴᐃᓲᖑᔪᒍᑦ ᐱᔪᒪᓕᖅᑎᑦᑎᓪᓗᑕᓗ ᓯᕗᓂᒃᓴᓂᒃ
ᐊᑐᕐᓗᓂ ᐃᓕᓴᕈᑎᑎᑐᑦ ᐃᓄᖕᓄᑦ ᓱᕈᓯᓄᑦ ᒪᒃᑯᒃᑐᓄᓪᓗ ᐃᓅᓯᒃᑯᑦ ᐃᓕᖅᑯᓯᑐᖃᒃᑯᓪᓗ ᕿᒪᒃᑕᑦᑎᓐᓂ ᖃᓄᐃᓚᐅᖅᑐᓄᑦ, ᖃᐅᑕᒫᖅᓯᐅᑎᓄᓪᓗ ᐃᓅᓯᕐᒥ, ᐃᓄᐃᑦ ᐅᖃᐅᓯᖏᑎᒍᑦ.
ᐃᑲᔪᖅᑐᒍᑦ ᐃᓄᐃᑦ ᐃᓚᐅᓂᖏᓐᓄᑦ ᐊᓯᓄᑦ ᑐᓴᐅᒪᔭᔾᔪᑎᓂ
ᐃᓕᓴᐃᓗᓂ ᐃᖅᑲᓇᐃᔭᖅᑎᑦᑎᓗᓂᓗ ᐃᓄᖕᓂᒃ ᓇᐅᒃᑯᓕᒫᒃᑯᑦ ᐊᓯᓄᑦ ᑕᑯᔭᒃᓴᓕᐅᕐᓂᕐᓂ ᑐᓴᐅᒪᔭᐅᑎᑦᑎᓂᕐᒥᓂ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᓴᖅᑭᔮᖅᑎᓪᓗᒋᓪᓗ ᐃᓚᐅᓂᖏᑦ ᓄᓇᕐᔪᐊᕐᒥ ᓴᖅᑭᔮᖅᑐᓂ.
ᓴᖏᒃᑎᒋᐊᖅᑕᕗᑦ ᐃᓄᐃᑦ ᑭᓇᐅᓂᖏᑦ ᐊᓯᓄᑦ ᑕᑯᔭᒃᓴᓕᐅᕈᑎᑎᒍᑦ
ᐊᑐᕐᓗᓂ ᐊᓯᓄᑦ ᑕᑯᔭᒃᓴᓕᐅᕈᑎᓂᒃ ᑐᑭᓯᔾᔪᑎᒋᓗᒋᑦ ᑐᓴᐅᒪᔭᐅᔾᔪᑎᒋᓗᒋᓪᓗ ᐃᓄᐃᑦ ᐃᓱᒪᒋᔭᖏᑦ, ᐃᓗᐃᑦᑐᕈᖅᑎᓪᓗᒋᑦ ᐃᓕᖅᑯᓯᑐᖃᒃᑯᑦ ᐃᓅᓯᒃᑯᓪᓗ ᐋᖅᑭᒃᓯᒪᓂᖏᑦ, ᐱᕈᖅᓴᐃᓗᓂᓗ ᐅᓄᕐᓂᖅᓴᓄᑦ ᑐᑭᓯᓂᕐᓂᒃ ᐱᐅᒃᓴᕐᓂᕐᓂᒡᓗ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ.
ᑲᑎᒪᔩᑦ
ᐊᑕᒥ ᐃᑐᐊᑦᑎᐊᖅ
ᐃᓄᖕᓂᑦ ᑲᑎᒪᔨ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐸᓪ ᐃᒥᖓᒃ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ
ᕆᑦᓱᑦ ᒪᓃᑦᑐᖅ (ᕆᑯ)
ᑭᕙᓪᓕᖅ ᐃᓄᐃᑦ ᑲᑎᒪᔨᖏᑦ
ᐅᓘᓯ ᑕᐅᑭ
ᔪᓕ ᑎᕆᔅ ᐃᕙᓗ
ᐊᐅᓚᑦᑎᔩᑦ ᐃᖅᑲᓇᐃᔭᖅᑏᓪᓗ
ᒪᓕᑭ ᕿᓚᕝᕙᖅ
ᑐᑭᒧᐊᒃᑎᑦᑎᔨ ᐊᐅᓚᓂᕐᓄᑦ
ᓇᕿᑦᑕᒐᑦ 202
ᔨᒥ ᐸᐸᑦᓯ
ᓇᕿᑦᑕᒐᖅ 220
ᐱᓕᑉ ᔪᒥ
ᓇᕿᑦᑕᒐᑦ 215
ᑭᐊᕋᓐ ᐳᕆᓐᑎᔅ
ᓯᕗᓕᖅᑎᓄᑦ ᑐᑭᒧᐊᒃᑎᑦᑎᔨ
ᓇᕿᑦᑕᒐᑦ 222
ᐊᓇᓯᓕᐊ ᐱᕆᔅ ᑐᐊᕆᔅ
ᑐᑭᒧᐊᒃᑎᑦᑎᔨ ᑮᓇᐅᔭᓕᕆᓂᕐᓄᑦ
ᓇᕿᑦᑕᒐᑦ 227
ᒥᓚᓂ ᑕᐃᕕ
ᓇᕿᑦᑕᒐᑦ 223
ᕋᔅ ᓯᓕᑦ
ᓇᕿᑦᑕᒐᑦ 228
ᓴᒥ ᐊᑉᑐᓚ
ᑮᓇᐅᔭᓕᕆᓂᕐᓄᑦ ᐃᑲᔪᖅᑎ
ᓇᕿᑦᑕᒐᑦ 227
ᔭᓇᑦ ᐃᕕᒃ
ᓇᕿᑦᑕᒐᑦ 224
ᑲᐃᑦ ᓴᐱᐊᓪ
ᐊᖓᔪᖅᑳᓪᓗᐊᑕᖅ ᐊᔪᕈᓐᓃᖅᓴᓂᕐᓄᑦ ᑐᓴᐅᒪᑎᑦᑎᓂᕐᓄᓪᓗ ᑎᓕᐅᕆᔨ
ᓇᕿᑦᑕᒐᑦ 230
ᐊᐃᐱᓕ ᐆᑦᑐᕙᒃ
ᐊᐅᓚᑦᑎᔨ ᑕᕐᕆᔭᓕᐅᕐᓂᕐᓄᑦ
ᓇᕿᑦᑕᒐᑦ 228
ᐃᖅᑲᓇᐃᔮᓄᑦ ᐱᕕᒃᓴᑦ
ᖃᕋᓴᐅᔭᒃᑰᕈᓐᓇᖅᑐᓄᑦ ᑐᖅᑯᖅᓯᒪᔪᓄᑦ ᐃᑲᔪᖅᑎ ᐅᓪᓗᓕᒫᖅ, ᐋᑐᕚ
ᐃᓂᖃᖅᑎᑦᑎᓗᓂ ᐃᓄᐃᑦ ᐊᑐᕈᑎᒋᔪᓐᓇᖅᑕᖓᓂᒃ ᐱᔪᓐᓇᐅᑎᒥᓄᑦ ᐃᓱᒪᖅᓱᕐᓗᓂ ᐅᖃᕈᓐᓇᕐᓂᕐᓄᑦ ᐊᑐᕐᓗᓂᓗ ᐃᓕᖅᑯᓯᑐᖃᓄᑦ ᑐᓴᐅᒪᖃᑎᒌᖕᓂᕐᓄᓪᓗ ᑲᑎᔾᔪᑎᑎᑐᑦ ᑐᓴᐅᒪᑎᑦᑎᓂᕐᓄᑦ ᐃᓱᒪᒋᔭᕐᒥᓂᒃ ᓄᓇᓕᖕᒥᓂ, ᑲᓇᑕᒥ ᓄᓇᕐᔪᐊᕐᒥᓗ ᐊᑲᐅᙱᓕᐅᕈᑎᓄᑦ.
ᑕᑯᒋᓇᐃ: ᓱᕈᓯᕐᓄᑦ ᑕᓚᕖᓴᒐᒃᓴᓕᕆᔨ
ᐃᖅᑲᓇᐃᔭᖅᑎᑖᖅᑐᒍᑦ ᑕᓚᕖᓴᒐᒃᓴᓕᐅᖅᑎᒥᒃ ᓱᕈᓯᓄᑦ ᑕᓚᕖᓴᒐᒃᓴᑦᑎᓐᓄᑦ, ᑕᑯᒋᓇᐃ. ᐃᖅᑲᓇᐃᔮᒧᑦ ᐅᖃᐅᓯᖃᑦᑎᐊᖅᑐᓂᒃ, ᓇᕿᒍᒃ ᐅᓇ.
ᑕᑯᙱᓚᑏᑦ ᐱᐅᒋᔭᕐᓂᒃ? ᓇᒃᓯᐅᑏᓐᓇᒃᑭᑦ ᐃᖅᑲᓇᐃᔮᕕᓂᖅᐱᑦ ᓇᓕᖅᑲᖏᑦ! ᑐᓴᖅᑎᑦᑎᒐᔭᖅᑐᒍᑦ ᐃᓂᑕᖃᓕᕈᓂ ᐃᓕᖕᓄᑦ ᓈᒻᒪᒃᑲᔭᕋᓱᒋᔭᑦᑎᓐᓂᒃ!
ᑐᓂᓯᒋᑦ
ᐃᑲᔪᕆᑦ ᐳᐃᒍᔾᔭᐃᕐᓗᒋᑦ ᐃᓄᐃᑦ ᐅᖃᐅᓯᖏᑦ, ᐃᓕᖅᑯᓯᑐᖃᖏᑦ ᐅᓂᒃᑳᖅᑐᐊᖏᓪᓗ. ᑐᓂᔭᐃᑦ ᓄᕿᖃᓕᖅᑎᑦᑎᕗᖅ ᐃᓄᐃᑦ ᓂᐱᖏᓐᓂᒃ, ᐃᑲᔪᖅᖢᑎᒃ ᓄᓇᓕᖕᓂ ᑕᕐᕆᔭᓕᐊᓂᒃ, ᓄᕿᖃᓕᖅᑎᖦᖢᒍᓗ ᓄᓇᓕᕗᑦ.
ᑕᑯᓐᓇᕋᑦᓴᓕᕆᔩᑦ ᐱᕙᓪᓕᐊᔪᖏᑦ
ᑐᓴᐅᒪᐃᓐᓇᕆᑦ ᓴᖅᑭᓕᓵᖅᑐᓂᒃ ᐃᓄᖕᓂᒃ ᐅᓂᒃᑳᓂᒃ, ᐱᕙᓪᓕᐊᔪᓂᒃ ᐃᓱᒪᒋᔭᐅᔪᓂᒡᓗ. ᑕᑯᒃᓴᐅᑎᖃᑦᑕᖅᑕᑦᑕ ᓴᖅᑭᔮᖅᑎᑉᐸᐃᑦ ᓂᐱᖏᑦ, ᐃᓕᖅᑯᓯᖏᑦ ᐊᑲᐅᙱᓕᐅᕈᑎᖏᓪᓗ ᐊᑐᖅᑐᑦ.
ᐅᖃᖃᑎᒋᑎᒍᑦ
ᐊᐱᖅᑯᑎᒃᓴᖃᖅᐲᑦ? ᐅᖃᖃᑎᒋᒃᑭᑦ ᐱᓕᕆᖃᑎᒌᕗᑦ. ᑕᕝᕙᐅᔪᒍᑦ ᓈᓚᒡᓗᑕ, ᐃᑲᔪᕐᓗᑕ ᐱᖃᑕᐅᓗᑕᓗ ᓯᕗᒧᑦ ᑕᐅᑐᒃᑕᖏᓐᓄᑦ ᐃᓄᐃᑦ ᑕᑯᓐᓇᕋᑦᓴᓕᕆᓂᕐᓂ.
ᐱᓕᕆᖃᑎᕗᑦ
